«Ulttyq ǵaryshtyq zertteýler men tehnologiialar ortalyǵy» AQ Basqarma tóraǵasy bolyp Marat Nurǵojin taǵaiyndaldy, dep habarlaidy "Ult aqparat".
Búgin QR Tsifrlyq damý, innovatsiialar jáne aeroǵarysh ónerkásibi vitse-ministri Azamat Batyrqoja jańa basshyny ujymmen tanystyrdy.
Nurǵojin Marat Rahmalyuly 1957 jyly 30 maýsymda dúniege kelgen. Tehnika ǵylymdarynyń doktory. Baýman atyndaǵy Máskeý joǵary tehnikalyq ýchilishesin bitirgen. Professor, Halyqaralyq aqparattandyrý akademiiasynyń jáne QR Injenerlik akademiiasynyń akademigi.
Eńbek jolyn 1980 jyly bastaǵan. Ár jyldary Qaraǵandy politehnikalyq institýtynda, Qaraǵandy memlekettik tehnikalyq ýniversitetinde, Bilim jáne ǵylym ministrliginde, «Samǵaý» Ulttyq ǵylymi-tehnologiialyq holdingi» AQ-da, «Qazaqstan Ǵarysh Sapary» Ulttyq kompaniiasy» AQ-da jumys istedi.
2016-2019 jyldar aralyǵynda qorǵanys jáne aeroǵarysh ónerkásibi vitse-ministri laýazymynda qyzmet atqardy. Sońǵy taǵaiyndaýǵa deiin QR Tsifrlyq damý, innovatsiialar jáne aeroǵarysh ónerkásibi vitse-ministri.
Osy ýaqytqa deiin «UǴZTO» AQ Basqarma tóraǵasynyń laýazymyn atqarǵan Omarov Shyńǵys V.G. Fesenkov atyndaǵy astrofizika institýtynyń direktory bolyp taǵaiyndaldy.
