Foto: "Qazatomónerkásip" baspasóz qyzmeti
Ulttyq ekonomika ministri Álibek Qýantyrovtyń inisi Ermek Qýantyrov "Qazatomónerkásip" kompaniiasynda laýazymdy qyzmetke taǵaiyndaldy, - dep habarlaidy "Ult aqparat".
Kompaniia baspasóz qyzmetiniń málimetinshe, ol 5 shildeden bastap Qazatomónerkásiptiń quqyqtyq súiemeldeý jáne satyp alý jónindegi bas direktory boldy.
"Qýantyrov myrzanyń fýnktsionaldyq mindetterine quqyqtyq qamtamasyz etý protsesine basshylyq jasaý, halyqaralyq-quqyqtyq yntymaqtastyq máselelerine jetekshilik etý, táýekelderdi basqarý jáne ishki baqylaý jónindegi qyzmetti uiymdastyrý, sondai-aq keshendi basqarýdy júzege asyrý jáne satyp alý protsesteri men kompaniianyń korporativtik basqarýyna basshylyq jasaý kiredi", - delingen habarlamada.
Aita keteiik, Ermek Qýantyrov 1989 jyly dúniege kelgen.
Prezidenttik jastar kadrlyq rezerviniń múshesi. QR Ádilet ministrliginde ártúrli basshylyq laýazymda jumys istegen. Sonyń ishinde Ulttyq ziiatkerlik menshik institýtyn (Qazpatent) basqarǵan. Sonymen qatar ol Kolýmbiia ýniversitetiniń quqyq magistri (LL.M.) dárejesine ie.
Al bul laýazymǵa taǵaiyndalǵanǵa deiin Qýantyrov Eýraziialyq ekonomikalyq komissiianyń Kásipkerlik qyzmetti damytý departamentiniń direktory qyzmetin atqarǵan.
