Jańadan taǵaiyndalǵan Ulttyq ekonomika ministri Rýslan Dálenov ekonomikanyń sapaly ósimin qamtamasyz etý vedomstvonyń basty maqsaty ekenin málimdedi, dep habarlaidy "Ult aqparat".
"Bizdiń maqsat – ekonomikanyń sapaly ósimin qamtamasyz etý. Sapa bolsa, bári jaqsy bolady. Halyqtyń qaltasy únemi qalyń bolýy kerek. Bul úshin biz jumys isteimiz", - dep sendirdi Dálenov úkimet kýlýarynda.
Jańa ministr kóleńkeli ekonomikany tómendetý úshin salyq kodeksine ózgerister engiziletinin atap ótti.
Sonymen qatar, jýrnalister odan kóp balaly analarǵa arnalǵan járdemaqy týraly da surady.
"Qazir esepteýler júrgizilip jatyr. Arnaiy jumys toby jumys isteidi. Jýyrda járdemaqynyń mólsheri jariia etiledi. Járdemaqynyń qazirgi mólsheri, árine, jetkiliksiz dep oilaimyn", - dedi ol.
Sondai-aq, Dálenov burynǵy basshysy, eks-ministr Timýr Súleimenovtiń qandai qyzmetke taǵaiyndalǵany ázirge belgisiz ekenin jáne onyń jaqsy ministr bolǵanyn aitty.
