Ulttyq ekonomika ministri Timýr Súleimenov 10 jyl boiy ipotekalyq nesie tólegenin aitty, dep habarlaidy "Ult aqparat".
«Men ózimdi jaspyn dep aitala alamyn. Ótken jyly óz 10-jyldyq ipotekalyq nesiemdi tólep bitirdim. Men ony 2008 jyly alyp, byltyr tólep aiaqtadym jáne de bul qiyn bolady. Jastarǵa aitarym: árdaiym óz múmkindikterińdi jan-jaqty qarańdar. Bizdiń mentalitetke sai óz úiiń bolý kerek jáne árine buǵan mindetti túrde umtylý qajet. Biraq, sen bailaýda bolasyń, merzimniń sońynda ne ortasynda psihologiialyq jaǵynan sharshaisyń. Sebebi, óz ailyq tabysyńnyń kóp bóligin ipotekaǵa berýge mindetti bolasyń. Sondyqtan, menińshe keide jalǵa beriletin baspanaǵa da basqa kózben qaraý kerek. Sebebi, jumysyńa bailanysty búgin sen Atyraýda, erteń Pavlodarda, odan arǵy kúni Almatyda júrýiń múmkin. Bir qalaǵa baryp, 2-3 jyl turdyń delik, bul qalada baspana saǵan ne kerek, múmkin sen ári qarai basqasyna barasyń. Bastysy turǵyn úi sapaly bolýy tiis. Sol sebepten baspana máselesinde tek ipotekaǵa qaraýdyń qajeti joq. Ipotekany barynsha arzandatý kerek, degenmen biz óz múmkindikterimizdi durys baǵalai almai, qiyn jaǵdaiǵa tap bolýymyz múmkin», - dedi Súleimenov Senatta ótken Jastar saiasaty jónindegi dóńgelek ústelde.
Atap ótsek, búgin Senatta «Memlekettik jastar saiasaty týraly» Qazaqstan Respýblikasynyń Zańyn iske asyrý jáne Jastar jylyn ótkizý aiasynda memlekettik organdardyń, qoǵamdyq jáne úkimettik emes uiymdardyń aldynda turǵan mindetter týraly» dóńgelek ústel ótti.
Sharaǵa qoǵamdyq damý, eńbek jáne halyqty áleýmettik qorǵaý, bilim jáne ǵylym, aqparat jáne kommýnikatsiialar, densaýlyq saqtaý, ishki ister ministrlikteriniń, Astana jáne Almaty qalalarynyń, birqatar oblystyń basshylary, jastar uiymdarynyń kóshbasshylary qatysty.
Shara barysynda Jastar jylynyń ashylýy kezinde Memleket basshysy N.Nazarbaevtyń kótergen bastamalarynyń jobalaryn iske asyrý máseleleri qaraldy. Pikirsaiys jastardyń jumysqa ornalasýy men turǵyn úimen qamtamasyz etilýi, jetkinshek urpaqtyń bilim alýy men tárbiesi sekildi ózekti máselelerge arnaldy. Ázirlengen usynystar jastar máseleleri jónindegi qoldanystaǵy zańnamany jetildirýge baǵyttalmaq.
