ۇلتتىق ەكونوميكا مينيسترٸ تيمۋر سٷلەيمەنوۆ 10 جىل بويى يپوتەكالىق نەسيە تٶلەگەنٸن ايتتى, دەپ حابارلايدى "ۇلت اقپارات".
«مەن ٶزٸمدٸ جاسپىن دەپ ايتالا الامىن. ٶتكەن جىلى ٶز 10-جىلدىق يپوتەكالىق نەسيەمدٸ تٶلەپ بٸتٸردٸم. مەن ونى 2008 جىلى الىپ, بىلتىر تٶلەپ اياقتادىم جەنە دە بۇل قيىن بولادى. جاستارعا ايتارىم: ەردايىم ٶز مٷمكٸندٸكتەرٸڭدٸ جان-جاقتى قاراڭدار. بٸزدٸڭ مەنتاليتەتكە ساي ٶز ٷيٸڭ بولۋ كەرەك جەنە ەرينە بۇعان مٸندەتتٸ تٷردە ۇمتىلۋ قاجەت. بٸراق, سەن بايلاۋدا بولاسىڭ, مەرزٸمنٸڭ سوڭىندا نە ورتاسىندا پسيحولوگييالىق جاعىنان شارشايسىڭ. سەبەبٸ, ٶز ايلىق تابىسىڭنىڭ كٶپ بٶلٸگٸن يپوتەكاعا بەرۋگە مٸندەتتٸ بولاسىڭ. سوندىقتان, مەنٸڭشە كەيدە جالعا بەرٸلەتٸن باسپاناعا دا باسقا كٶزبەن قاراۋ كەرەك. سەبەبٸ, جۇمىسىڭا بايلانىستى بٷگٸن سەن اتىراۋدا, ەرتەڭ پاۆلوداردا, ودان ارعى كٷنٸ الماتىدا جٷرۋٸڭ مٷمكٸن. بٸر قالاعا بارىپ, 2-3 جىل تۇردىڭ دەلٸك, بۇل قالادا باسپانا ساعان نە كەرەك, مٷمكٸن سەن ەرٸ قاراي باسقاسىنا باراسىڭ. باستىسى تۇرعىن ٷي ساپالى بولۋى تيٸس. سول سەبەپتەن باسپانا مەسەلەسٸندە تەك يپوتەكاعا قاراۋدىڭ قاجەتٸ جوق. يپوتەكانى بارىنشا ارزانداتۋ كەرەك, دەگەنمەن بٸز ٶز مٷمكٸندٸكتەرٸمٸزدٸ دۇرىس باعالاي الماي, قيىن جاعدايعا تاپ بولۋىمىز مٷمكٸن», - دەدٸ سٷلەيمەنوۆ سەناتتا ٶتكەن جاستار ساياساتى جٶنٸندەگٸ دٶڭگەلەك ٷستەلدە.
اتاپ ٶتسەك, بٷگٸن سەناتتا «مەملەكەتتٸك جاستار ساياساتى تۋرالى» قازاقستان رەسپۋبليكاسىنىڭ زاڭىن ٸسكە اسىرۋ جەنە جاستار جىلىن ٶتكٸزۋ اياسىندا مەملەكەتتٸك ورگانداردىڭ, قوعامدىق جەنە ٷكٸمەتتٸك ەمەس ۇيىمداردىڭ الدىندا تۇرعان مٸندەتتەر تۋرالى» دٶڭگەلەك ٷستەل ٶتتٸ.
شاراعا قوعامدىق دامۋ, ەڭبەك جەنە حالىقتى ەلەۋمەتتٸك قورعاۋ, بٸلٸم جەنە عىلىم, اقپارات جەنە كوممۋنيكاتسييالار, دەنساۋلىق ساقتاۋ, ٸشكٸ ٸستەر مينيسترلٸكتەرٸنٸڭ, استانا جەنە الماتى قالالارىنىڭ, بٸرقاتار وبلىستىڭ باسشىلارى, جاستار ۇيىمدارىنىڭ كٶشباسشىلارى قاتىستى.
شارا بارىسىندا جاستار جىلىنىڭ اشىلۋى كەزٸندە مەملەكەت باسشىسى ن.نازارباەۆتىڭ كٶتەرگەن باستامالارىنىڭ جوبالارىن ٸسكە اسىرۋ مەسەلەلەرٸ قارالدى. پٸكٸرسايىس جاستاردىڭ جۇمىسقا ورنالاسۋى مەن تۇرعىن ٷيمەن قامتاماسىز ەتٸلۋٸ, جەتكٸنشەك ۇرپاقتىڭ بٸلٸم الۋى مەن تەربيەسٸ سەكٸلدٸ ٶزەكتٸ مەسەلەلەرگە ارنالدى. ەزٸرلەنگەن ۇسىنىستار جاستار مەسەلەلەرٸ جٶنٸندەگٸ قولدانىستاعى زاڭنامانى جەتٸلدٸرۋگە باعىتتالماق.
