QR Sybailas jemqorlyqqa qarsy is-qimyl ulttyq biýrosyndaǵylar memlekettik qyzmetkerler alǵan iri kólemdegi paralardy atady, - dep habarlaidy "Ult aqparat" kaz.tengrinews.kz portalyna silteme jasap.
Ulttyq biýrodaǵylardyń málimetinshe, eń iri kólemdegi parany - 780 million teńgeni "Astana EKSPO-2017" burynǵy basshysy Talǵat Ermegiiaev alǵan.
"QR Sybailas jemqorlyqqa qarsy is-qimyl ulttyq biýrosynyń ókilderi 2015-2016 jyldar aralyǵynda 780 million teńge kóleminde para alǵan "Astana EKSPO-2017" AQ burynǵy basshysy Talǵat Ermegiiaevqa qatysty, 330 million teńge kóleminde para alǵan "Qorǵas" shekara mańy yntymaqtastyǵy halyqaralyq ortalyǵy AQ prezidenti Vasilii Ni men 54 million teńge para alǵan Qostanaidyń burynǵy ákimi Ahmetbek Ahmetjanovqa qatysty derekterdi anyqtady", - delingen Ulttyq biýrodaǵylardyń redaktsiia jibergen saýalnamaǵa bergen jaýabynda.
"Statistikalyq málimetterge sáikes, alynǵan paralardyń jalpy sany milliard teńgeden asqan", - dedi QR Sybailas jemqorlyqqa qarsy biýro ókilderi.
Sondai-aq, olardyń málimetinshe, para alý derekteri kóbinese Almaty men Ońtústik Qazaqstan oblystarynda kezdesedi. Para alýshylardyń kóbi ishki ister organdarynyń qyzmetkerleri men ákimdiktegiler eken.
Aita keteiik, osyǵan deiin qazaqstandyq jemqorlardan tárkilengen múlikterdiń tizimi jariialanǵan bolatyn. "Biýdjettik qarajatty jymqyrý men para alý derekteri kóbeigen. Sotqa jiberilgen qylmystyq isterdiń sany kóbeigen. Olardyń ishinde "Astana-EKSPO-2017" AQ burynǵy basshysy, Ulttyq ekonomika ministrliginiń kóliktegi tutynýshylardyń quqyǵyn qorǵaý departamentiniń basshysy, IIM departamentiniń basshysy, Astana qalalyq Ádilet departamentiniń basshylary, Jambyl oblysynyń densaýlyq saqtaý basqarmasyndaǵylar, Astana qalalyq notarialdyq palatanyń ókili, Jambyl oblysynyń QAJD basshysy, Mańǵystaý departamentiniń tabiǵi monopoliialardy retteý departamentiniń basshysy men onyń orynbasary", - degen edi Qairat Qojamjarov.
