Antikorrýptsiia qyzmeti Janbolat Mamaiǵa qatysty tergeý sharalaryn júrgizip jatyr, - dep habarlaidy "Ult aqparat" Sybailas jemqorlyqqa qarsy is-qimyl ulttyq biýrosynyń ókilderine silteme jasap.
Sybailas jemqorlyqqa qarsy is-qimyl ulttyq biýrosy "BTA Bank" AQ Direktorlary keńesiniń burynǵy tóraǵasy Muhtar Ábliazovqa, Jaksylyq Jarymbetovqa jáne ózge tulǵalarǵa qatysty bank qarajatyn jymqyrý derekteri boiynsha qylmystyq istiń tergeýin jalǵastyryp jatyr.
"Tergeý barysynda Mamai Janbolat Mamaiulynyń Ábliazovtyń Qazaqstandaǵy syibailasy ekendigi anyqtaldy. Ol BTA Bankiniń qarajatynyń bir bóligin "Saiasi qalam: Tribýna" basylymy arqyly zańdy qarjylai operatsiialar túrinde jymqyrǵan", - dep habarlady vedomstvonyń baspasóz qyzmetindegiler.
Sonymen qatar, Ulttyq biýronyń qarjy qujattary tabylýy múmkin delingen jerlerde tintý sharalaryn jalǵastyryp jatqany habarlanyp otyr.
