Sybailas jemqorlyqqa qarsy is-qimyl Ulttyq biýrosy BTA Bankindegi qarajattyń jymqyrylýy týraly qylmystyq isti sotqa deiingi tergeýdi aiaqtady jáne is materialdarymen tanysýdyń bastalǵany jariialandy, dep habarlady vedomstvonyń baspasóz qyzmeti.
Aldyn ala tergeý jan-jaqty, tolyq jáne ádil júrgizildi. Dáleldeýge jatatyn barlyq mán-jailar anyqtaldy.
Jinalǵan aiǵaqtar negizinde BTA bankiniń burynǵy basshylary - Qazaqstannan tys jerde júrgen M.K.Ábiliazovtyń (direktorlar keńesiniń tóraǵasy), J.D.Jarymbetovtyń (basqarma tóraǵasynyń birinshi orynbasary - nesieleý komitetiniń tóraǵasy), K.A.Sadyqovtyń (nesieleý boiynsha direktor) jáne S.H.Mámeshtiń (basqarma tóraǵasy) qylmystyq is-áreketteriniń deńgeii belgili boldy.
Atap aitqanda, Ábiliazovke qylmystyq top qurdy jáne oǵan jetekshilik etti, BTA Bankiniń aqshalai qarajatyn jymqyrdy jáne óz laýazymyn asyra paidalanyp, bank qarajatyn zańsyz jaratty degen kúdik taǵyldy. Keltirilgen shyǵynnyń jalpy somasy 7,5 mlrd. AQSh dollaryn qurady.
Tergeý toby jymqyrylǵan qarajattyń Qazaqstan halqynyń nesielik salymdarynan, azamattardyń jeke jinaqtarynan jáne sheteldik qarjy institýttarynyń qaryzdarynan quralǵanyn rastady.
Sonymen birge, memleket BTA Bankiniń qaryzdaryn óteý boiynsha barlyq mindetti óz moinyna aldy.
Ult portaly
