Қазақстан Тәуелсіздігіне 25 жыл

Ulttyq biryńǵai testileýdiń ýaqyty keiinge shegerile me?

Ulttyq biryńǵai testileýdiń ýaqyty keiinge shegerile me?

Ulttyq biryńǵai testileý óziniń merziminde ótkiziledi dep josparlanǵan. QR Bilim jáne ǵylym vitse-ministri Sholpan Karinova onlain brifingide osylai málim etti, dep habarlaidy "Ult aqparat".

Brifing barysynda «karantin uzaryp jatsa Ulttyq biryńǵai testileýdiń ýaqyty keiinge shegerile me?» degen saýal qoiyldy. 

«Bul sýaldy ata-analar qoiyp otyr. Búginde bul baǵytta sheshim qabyldanǵan joq, áli erterek. Óitkeni sanitarlyq-epidemiologiialyq jaǵdai qalai ózgeretini ázirge beimálim. Sondyqtan jaǵdaiǵa bailanysty Bilim jáne ǵylym ministrligi tolyq aqparatty beretin bolady. Búginde Ulttyq biryńǵai testileý óziniń merziminde ótkiziledi dep josparlanǵan. Sáikesinshe, basqa ózgerister engizilmedi», - dedi Sh. Karinova. 

Sonymen qatar ol joǵary synyp oqýshylaryn attestaý máselesine de toqtaldy. 

«Qorytyndy attestaýǵa qatysty, iaǵni 9-shy jáne 11-shi synyp oqýshylaryn attestaýǵa qatysty ata-analar surap jatyr. Bul taqyrypqa qatysty qosymsha habarlaimyz. Qazirgi negizgi maqsat - IV toqsandy qashyqtan oqytý», - dedi vitse-ministr.