Ulttyq bank tóraǵasynyń orynbasary Áliia Moldabekova maýsym aiyndaǵy halyqaralyq rezervterdiń jáne ulttyq qordyń valiýta aktivteriniń dinamikasy men investitsiialyq kirisi týraly aitty, dep habarlaidy QazAqparat.
«Aldyn ala derekter boiynsha, altynvaliýta rezervteri bir aida 1,4 mlrd AQSh dollaryna tómendep, biylǵy jylǵy 30 maýsymda shamamen 35,1 mlrd AQSh dollaryn qurady. AVR qysqarýynyń basty sebebi AQSh dollarynyń nyǵaiýyna bailanysty altyn baǵasynyń tómendeýi boldy. Maýsymda metall baǵasy bir ýntsiia úshin 1892 dollardan 1758 dollarǵa deiin nemese 7%-ǵa tómendedi, bul 2015 jylǵy qarashadan beri bir aida altyn qunynyń qatty túskenin kórsetedi. Nátijesinde altyn portfelin teris qaita baǵalaý 1,4 mlrd AQSh dollaryn qurady», - deidi Áliia Moldabekova.
Onyń aitýynsha, rezervterdegi altynnyń úlesi 62% bolady, sondyqtan rezervterge altynnyń álemdik baǵasy áser etedi.
Altynnyń baǵasy qubylmaly bolyp qala beredi, mysaly, naýryzda baǵalar ýntsiia úshin 1683 dollar deńgeiine jetip, mamyrdyń basynda 1950 dollarǵa deiin qalpyna keldi.
«Baǵasynyń kúrt tómendeýinen altyn portfeliniń bir bóligin hedjirleý úshin buryn Ulttyq bank jasaǵan optsiondardy oryndaý sheńberinde altyn qazirgi deńgeiinen asatyn qolaily baǵamen 1,5 mlrd AQSh dollaryna ótkizildi. Erkin konvertatsiialanatyn valiýtadaǵy aktivter negizinen optsiondyq strategiialar sheńberinde allokirlenbegen altyndy ótkizý esebinen 1,5 mlrd AQSh dollaryna deiin ósti», - deidi spiker.
Ulttyq qordyń valiýtalyq aktivteri shuǵyl derekter boiynsha bir aida 1,1 mlrd AQSh dollaryna tómendep, maýsymda 57,5 mlrd AQSh dollaryn qurady.
«Ótken aida Ulttyq qordyń valiýtalyq aktivteriniń tómendeýi respýblikalyq biýdjetke kepildik berilgen jáne nysanaly transfertter bólýge bailanysty. Aldynda atap ótkenimdei, transfert boiynsha ótinimderdi oryndaý úshin 1,093 mlrd AQSh dollaryna valiýtalyq aktivter satyldy», - dedi Ulttyq bank ókili.
Bul rette maýsymda qorǵa túsken túsim kólemi shetel valiýtasyndaǵy 189 mln AQSh dollaryn qosa alǵanda, nebári 97 mlrd teńge boldy.
Aktivterdi basqarý tiimdiligin arttyrý jónindegi uzaq merzimdi strategiia sheńberinde Ulttyq bank aktivterdiń neǵurlym kiristi synyptarynyń, onyń ishinde aktsiialardyń, korporativtik obligatsiialardyń jáne damýshy naryqtaǵy eýroobligatsiialardyń úlesin ósirýde.
Nátijesinde, Ulttyq qordyń 2021 jylǵy birinshi jartyjyldyqtaǵy investitsiialyq kirisi oń qalyptasty jáne kóbinese aktsiialardyń jahandyq naryǵynyń ósýi esebinen 1,5 mlrd AQSh dollaryn nemese 2,5%-dy qurady.
