«Depozitterdiń áketilýi, bankterdiń aqsha berýden bas tartýy, bankterdiń bólimshelerinde valiýtanyń jetispeýi» jóninde jelide taralǵan habarlar dáieksiz jáne arandatýshylyq aqparat. QR Ulttyq banki osylai málim etti, dep habarlaidy "Ult aqparat".
«Áleýmettik jelilerde, sondai-aq WhatsApp jáne basqa messendjerler arqyly habar jiberý jolymen depozitterdiń áketilýi, bankterdiń aqsha berýden bas tartýy, bankterdiń bólimshelerinde valiýtanyń jetispeýi týraly dáieksiz jáne arandatýshylyq aqparat taratylýda.
Osyǵan bailanysty Qazaqstan Ulttyq Banki barlyq bankterde qajetti valiýta qorlary bar ekendigin, Ulttyq Banktiń aýmaqtyq filialdary josparlanǵan rejimde bankterdi qolma-qol ulttyq jáne shetel valiýtasymen qamtamasyz etip jatqandyǵyn habarlaidy. Depozittik baza turaqty, bankterdiń klientterine qyzmetter tolyq kólemde kórsetilýde», delingen habarlamada.
QR Ulttyq banki jalǵan aqparatty taratýshylardy jáne onyń avtorlaryn anyqtaý úshin quqyq qorǵaý organdaryna júgingen.
