Ulttyq bank jańa monetalardyń shyqqany týraly aqparatty joqqa shyǵardy, dep habarlaidy "Ult aqparat".
«Áleýmettik jeliler men messendjerlerde ártúrli nominaldaǵy jańa monetalardyń shyǵyp, onyń jaqyn arada qoldanysqa engizeletini týraly aqparattyń shyndyqqa janaspaitynyn habarlaimyz», - dedi Ulttyq bankten.
Vedomstvonyń habarlaýynsha, áleýmettik jelilerde taraǵan túrli kollektsiialyq monetalar ár jyldary shyǵarylǵan.
Ulttyq bank mundai aqparattardy taratý kezinde onyń shynaiylyǵyn tekserip alý kerektigin eskertedi. Resmi habarlama vedomstvonyń saitynda, áleýmettik jelidegi paraqshasynda jariialanady.
2020 jyly Ulttyq bank 200 teńgelik monetalardy shyǵarýdy josparlap otyr. Tómengi nominaldy aqshalardyń qyzmet etý merzimin ulǵaitý úshin osyndai sheshim qabyldanǵan. 200 teńgelik banknottar aldaǵy 1-1,5 jylda qoldanystan alynady. Ázirge 200 teńgelik nominaldy banknottar zańdy tólem retinde paidalanyla beredi.
