QR Ulttyq banki tóraǵasynyń jańa orynbasary taǵaiyndaldy, dep habarlaidy "Ult aqparat" Aqordaǵa silteme jasap.
"Memleket basshysynyń ókimimen Vitalii Alekseevich Týtýshkin Qazaqstan Respýblikasy Ulttyq Banki Tóraǵasynyń orynbasary laýazymyna taǵaiyndaldy", - delingen habarlamada.
Vitalii Týtýshkin eńbek jolyn 1998 jyly QR Ulttyq bankinde bastady. Qarjylyq turaqtylyq jáne táýekelderdi basqarý departamentiniń, Zertteýler jáne strategiialyq taldaý departamentiniń, Aqsha-kredit saiasaty departamentiniń direktory boldy.
2020 jyldan bastap qazirgi ýaqytqa deiin Ulttyq banktiń Almaty qalasyndaǵy Turaqty ókildiginde Qarjy naryǵymen ózara is-qimyl departamentiniń direktory qyzmetin atqardy.
Ulttyq bankte jumys istegen kezinde aqsha-kredit saiasatyn qalyptastyrýǵa jáne júzege asyrýǵa belsene atsalysty. Ol qarjy naryǵyn damytý isine qatysty máselelermen ainalysyp, qarjy naryǵynyń qatysýshylarymen jáne salalyq qaýymdastyqtarmen Ulttyq Banktiń qyzmetin úilestirý máselelerin rettedi.
