Foto: Tengrinews.kz/Turar Qazanǵapov
Ulttyq bank tóraǵasy Ǵalymjan Pirmatov bazalyq mólsherleme týraly sheshimdi túsindirdi, - dep habarlaidy Tengrinews.kz.
"Bazalyq mólsherlemeniń qazirgi deńgeii qarjy naryǵynyń turaqtylyǵyn qamtamasyz etedi jáne sharýashylyq júrgizýshi sýbektilerdiń jinaqtaý belsendiligin qoldaidy. Qalyptasqan infliatsiia ishki baǵalardyń syrtqy baǵaǵa beiimdelýine bailanysty", - dedi Pirmatov vedomstvoda ótken brifingte.
Onyń aitýynsha, jyl basynan beri bazalyq mólsherlemeniń aitarlyqtai kóterilýiniń ekonomikaǵa áseri áli tolyq kórinis tapqan joq jáne keleshekte tiisti baǵalaýdy qajet etedi.
"Bazalyq mólsherleme boiynsha odan ári sheshimder infliatsiianyń boljanatyn jolyna, sondai-aq syrtqy jáne ishki ortadaǵy táýekelderdiń teńgerimine bailanysty qabyldanady", - dep qorytyndylady Pirmatov.
Bazalyq mólsherleme boiynsha kelesi sheshim 2022 jyldyń 24 qazanynda Nur-Sultan ýaqyty boiynsha saǵat 14.00-de jariialanatyny habarlandy.
