Ulttyq bank mańyzdy tólem qyzmetterin jetkizýshiler men tólem júieleri reestrin jańartty, dep habarlaidy QazAqparat.
Qazaqstanda 19 tólem júiesi tirkelgen. Onyń ishinde bankaralyq aqsha aýdarý júiesi júieli túrde mańyzdy sanalady, onyń jumysyn QUB-tyń qazaqstandyq bankaralyq esep aiyrysý ortalyǵy qamtamasyz etedi. Bankaralyq aqsha aýdarý júiesi arqyly valiýta naryǵyna, baǵaly qaǵazdar naryǵyna qatysýshylardyń, bank sektorynyń jáne memlekettik biýdjet tólemderiniń 91%-dan astamy tólenedi.
Bankaralyq kliring júiesi 2021 jyldyń qorytyndysy boiynsha QUB reestrindegi mańyzdy tólem júielerine jatqyzylǵan. Bul júie júielik mańyzy bar tólem júiesi men tólem kartochkalaryn qospaǵanda, bólshek tólemderdiń 50%-dan astamyna qyzmet kórsetedi.
Sondai-aq mańyzdy tólem júielerine Visa men Mastercard halyqaralyq tólem júiesi kiredi.
Banktik shot ashpai jeke tulǵalardyń aýdarymdary júzege asyrylatyn halyqaralyq aqsha aýdarymdary júieleriniń arasynda «Zolotaia korona» júiesi mańyzdy tólem júiesine jatady. 2021 jyly Qazaqstanda jumys isteitin aqsha aýdarymdary júieleriniń reestrine «Ria Money Transfer» tólem júiesi engizildi.
Qalǵan 14 tólem júiesi ózge tólem júielerine jatqyzylǵan.
2021 jyldyń qorytyndysy boiynsha, mańyzdy tólem qyzmetterin jetkizýshilerdiń reestri de jańartyldy. Ózderiniń mańyzdy tólem qyzmetterin jetkizýshiler mártebesin eki jetkizýshi saqtap qaldy: tólem kartochkalary naryǵynda jáne korrespondenttik shottar arqyly tólemder men aýdarymdar naryǵynda. Bir jetkizýshi elektrondyq aqsha segmentinde mańyzdy boldy.
