ۇلتتىق بانك ماڭىزدى تٶلەم قىزمەتتەرٸن جەتكٸزۋشٸلەر مەن تٶلەم جٷيەلەرٸ رەەسترٸن جاڭارتتى, دەپ حابارلايدى قازاقپارات.
قازاقستاندا 19 تٶلەم جٷيەسٸ تٸركەلگەن. ونىڭ ٸشٸندە بانكارالىق اقشا اۋدارۋ جٷيەسٸ جٷيەلٸ تٷردە ماڭىزدى سانالادى, ونىڭ جۇمىسىن قۇب-تىڭ قازاقستاندىق بانكارالىق ەسەپ ايىرىسۋ ورتالىعى قامتاماسىز ەتەدٸ. بانكارالىق اقشا اۋدارۋ جٷيەسٸ ارقىلى ۆاليۋتا نارىعىنا, باعالى قاعازدار نارىعىنا قاتىسۋشىلاردىڭ, بانك سەكتورىنىڭ جەنە مەملەكەتتٸك بيۋدجەت تٶلەمدەرٸنٸڭ 91%-دان استامى تٶلەنەدٸ.
بانكارالىق كليرينگ جٷيەسٸ 2021 جىلدىڭ قورىتىندىسى بويىنشا قۇب رەەسترٸندەگٸ ماڭىزدى تٶلەم جٷيەلەرٸنە جاتقىزىلعان. بۇل جٷيە جٷيەلٸك ماڭىزى بار تٶلەم جٷيەسٸ مەن تٶلەم كارتوچكالارىن قوسپاعاندا, بٶلشەك تٶلەمدەردٸڭ 50%-دان استامىنا قىزمەت كٶرسەتەدٸ.
سونداي-اق ماڭىزدى تٶلەم جٷيەلەرٸنە Visa مەن Mastercard حالىقارالىق تٶلەم جٷيەسٸ كٸرەدٸ.
بانكتٸك شوت اشپاي جەكە تۇلعالاردىڭ اۋدارىمدارى جٷزەگە اسىرىلاتىن حالىقارالىق اقشا اۋدارىمدارى جٷيەلەرٸنٸڭ اراسىندا «زولوتايا كورونا» جٷيەسٸ ماڭىزدى تٶلەم جٷيەسٸنە جاتادى. 2021 جىلى قازاقستاندا جۇمىس ٸستەيتٸن اقشا اۋدارىمدارى جٷيەلەرٸنٸڭ رەەسترٸنە «Ria Money Transfer» تٶلەم جٷيەسٸ ەنگٸزٸلدٸ.
قالعان 14 تٶلەم جٷيەسٸ ٶزگە تٶلەم جٷيەلەرٸنە جاتقىزىلعان.
2021 جىلدىڭ قورىتىندىسى بويىنشا, ماڭىزدى تٶلەم قىزمەتتەرٸن جەتكٸزۋشٸلەردٸڭ رەەسترٸ دە جاڭارتىلدى. ٶزدەرٸنٸڭ ماڭىزدى تٶلەم قىزمەتتەرٸن جەتكٸزۋشٸلەر مەرتەبەسٸن ەكٸ جەتكٸزۋشٸ ساقتاپ قالدى: تٶلەم كارتوچكالارى نارىعىندا جەنە كوررەسپوندەنتتٸك شوتتار ارقىلى تٶلەمدەر مەن اۋدارىمدار نارىعىندا. بٸر جەتكٸزۋشٸ ەلەكتروندىق اقشا سەگمەنتٸندە ماڭىزدى بولدى.
