QR Ulttyq banki 2021 jyldyń 9 – 16 sáýir aralyǵynda jekelegen damýshy elderdiń valiýtalary boiynsha sholý jasady, dep habarlaidy "Ult aqparat".
Saýda-sattyq qorytyndysy boiynsha 16 sáýirde teńgeniń naryqtyq baǵamy bir aptada 0,6%-ǵa (433,15-ten) nyǵaiyp, bir AQSh dollary úshin 430,39 teńge boldy.
Syrtqy valiýta naryǵynda 2021 jylǵy 9-16 sáýir aralyǵyndaǵy kezeńde damýshy elder valiýtalarynyń serpini ártúrli baǵytta boldy.
«Tutyný shyǵystarynyń ósýi aiasynda QHR IJÓ 2021 jylǵy 1-toqsanda 18,3%-ǵa j/j ósti. AQSh ekonomikasy da belsendi qalpyna keltirý týraly belgi berýde: naýryzda bólshek saýda ósimi 9,8%-dy a/a qurady, ónerkásip óndirisi 1,4%-ǵa a/a ósti. AQSh-taǵy tutynýshylyq baǵalar naýryzda 2012 jyldan beri rekordtyq qarqynmen ósti, +0,6% a/a», - dep habarlady Ulttyq bankten.
Damýshy elder valiýtalarynyń AQSh dollaryna qatysty baǵamdarynyń serpini tómendegidei qalyptasty:
- Resei rýbli AQSh tarapynan AQSh-tyń qarjy mekemeleriniń RF memlekettik qaryzynyń bastapqy naryǵyna qatysýyna tyiym salatyn sanktsiialar jariialanǵannan keiin shielenistiń tómendeýi aiasynda 2,2%-ǵa (77,43-ten 75,71-ge deiin) nyǵaidy;
- Ońtústik Afrika randy 2,1%-ǵa (14,61-den 14,31-ge deiin) nyǵaidy. OB basshysy teńgerimdi infliatsiialyq táýekelder jáne tómen mólsherlemeler úshin keńistikti saqtaý týraly málimdedi;
- Braziliia realy álemdegi eń iri ekonomika – AQSh-tyń qalpyna kelý belgilerine bailanysty táýekel sentimenttiń qysqa merzimdi jahandyq jaqsarýy aiasynda 1,6%-ǵa (5,68-den 5,59-ǵa deiin) nyǵaidy;
- Meksika pesosy AQSh dollary baǵamynyń álsireýi jáne AQSh MBQ kiristiliginiń tómendeýi aiasynda 1,2%-ǵa (20,16-dan 19,92-ge deiin) nyǵaidy;
- Túrik lirasy 1,2-ǵa (8,17-den 8,07-ge deiin) nyǵaidy. OB mólsherlemeni 19% deńgeiinde saqtap qaldy, alaida qatań aqsha-kredit talaptaryn saqtaýǵa daiyndyǵy týraly burynǵy túsiniktemelerdi joqqa shyǵardy;
-Úndi rýpiiasy eksporttaýshylardyń shetel valiýtasyn satýy aiasynda 0,5%-ǵa (74,75-ten 74,36-ǵa deiin) nyǵaidy;
- Indoneziia rýpiiasy bir apta ishinde ózgergen joq, 14 565 deńgeiinde qaldy.
