Mamyrdyń basynda teńge baǵamy nyǵaidy. Bul týraly Ulttyq bank tóraǵasynyń orynbasary Áliia Moldabekova aitty, - dep habarlaidy Tengrinews.kz.
"Iá, shynynda da, biyl aqpannan bastap teńge baǵamynyń qubylmalylyǵy geosaiasattan týyndaǵan táýekelder jáne jahandyq naryqtardaǵy joǵary qubylmalylyqpen bailanysty. Sondyqtan teńgeniń erkin ózgermeli rejiminde áreket etpei turýy múmkin emes edi. Teńgeniń erkin qubylmaly aiyrbas baǵamy, bizdiń oiymyzsha, ekonomika men naryqqa syrtqy jaǵdailarǵa tez beiimdelýge múmkindik beredi. Mamyrdan bastap jaǵdai turaqtaldy. Bul syrtqy naryqtaǵy jaǵdaidyń turaqtanýymen bailanysty", - dedi Moldabekova Ulttyq bankte ótken brifing barysynda.
Vitse-prezidenttiń aitýynsha, turaqtandyrý eksporttaýshylardan ulttyq valiýtanyń usynysy artyp, valiýta naryǵyndaǵy teńgerimge qol jetkizilgen.
