Ulttyq bank Táýelsizdiktiń 30 jyldyǵyna kollektsiialyq monetalar shyǵardy

Qazaqstan Ulttyq Banki TÁÝELSIZ QAZAQSTANǴA 30 JYL kollektsiialyq monetalaryn ainalymǵa shyǵardy, dep habarlaidy QazAqparat.

Monetalardyń satylymǵa shyǵatyn kúnine qatysty aqparat QUB-tyń resmi saitynda qosymsha jariialanady. 

Nominaldary 5 000 jáne 500 teńgelik kúmisten jáne nominaly 100 teńgelik melhiordan jasalǵan monetalar «Este qalatyn oqiǵalar men birtýar adamdar» seriiasyn jalǵastyrady.

TÁÝELSIZ QAZAQSTANǴA 30 JYL monetalarynyń dizainy birtýar tarihi tulǵalardyń portrettik beineleri ornalastyrylǵan táýelsiz Qazaqstannyń 1993 jylǵy úlgidegi banknottarynyń birinshi seriiasymen simvoldyq bailanysyn kórsetedi. Kompozitsiia vizýaldy portrettik qatardy aiaqtap, memleket tarihyndaǵy mereitoilyq kezeńdi logikalyq túrde bildiredi.

Monetalardyń basty betinde (aversinde) nominaly, QUB logotipi men monetanyń metalyn, synamasyn jáne massasyn bildiretin jazý ornalasqan. Ainaldyra – QAZAQSTAN RESPÝBLIKASY • REPUBLIC OF KAZAKHSTAN jazýy bar.

Monetalardyń ekinshi betinde (reversinde) – Qazaqstan Respýblikasynyń Memlekettik týy, Qazaqstan Respýblikasynyń kartasy, portret qatary, qazaq kiiz úiiniń (basqur) dekory túrinde oryndalǵan oiý-órnek taspasy jáne Qazaqstan Táýelsizdiginiń 30 jyldyǵyn merekeleýdiń resmi logotipi kórinis tapqan.

Monetalar:

- 925/1000 synamaly kúmisten, sapasy – «proof», massasy – 933 gramm (30 ýntsiia), diametri – 100 mm, nominaly – 5000 teńgelik, daiyndaý taralymy – 300 dana;

- 925/1000 synamaly kúmisten, sapasy – «proof», massasy – 31,1 gramm, diametri – 38,61 mm, nominaly – 500 teńgelik, taralymy – 3 000 dana;

- MN 25 melhior qospasynan, sapasy – rroof-like, massasy – 15 gramm, diametri – 33 mm, nominaly – 100 teńgelik, taralymy – 30 000 dana bolyp daiyndalǵan.

Bul monetalardyń barlyǵy olardyń belgilengen quny boiynsha Qazaqstan Respýblikasynyń búkil aýmaǵynda tólemderdiń barlyq túri boiynsha, sondai-aq bank shottaryna esepteý úshin jáne Qazaqstan Respýblikasynyń barlyq bankterinde aýdarý, usaqtaý jáne aiyrbastaý úshin qabyldanýǵa jatady.

Kúmisten jasalǵan monetalar memlekettik, orys jáne aǵylshyn tilderinde QUB-tyń nómirlik sapa sertifikattary bar kádesyi oramynda shyǵarylady. 

Kollektsiialyq monetalar Qazaqstan teńge saraiynda daiyndalǵan.