Qazaqstan Ulttyq Banki Qazaqstan Respýblikasy Ulttyq qorynyń shamamen 536 mln AQSh dollary mólsherindegi aktivterinen tyiym salýdyń alynǵany týraly jáne joǵaryda atalǵan somanyń Ulttyq Banktiń ielik etýine qaitarylǵany týraly habarlady, dep jazady "Ult aqparat".
Budan buryn habarlanǵandai, 2017 jylǵy jeltoqsanda Stati tórelik sheshimdi taný týraly syrttai qaýlyny alǵan bolatyn, keiinnen ol Belgiianyń birinshi satydaǵy sotynyń qaýlysymen rastaldy. Bank New York Mellon bankinde ornalastyrylǵan Qazaqstan Respýblikasy Ulttyq qorynyń 530 million dollar somasyndaǵy aktivteri 2018 jylǵy mamyrdan bastap buǵattalǵan edi.
«2021 jylǵy 16 qarashada Briýsseldiń apelliatsiialyq soty Stati tarapynan alaiaqtyq is-áreketter týraly qorytyndy negizinde tómengi sottyń Belgiianyń aýmaǵynda tórelik sheshimdi taný jáne oryndaý týraly sheshiminiń kúshin tolyǵymen joidy. Qazaqstan Ulttyq banki men Qazaqstan Respýblikasy Ádilet ministrliginiń birlesken kúsh-jigeriniń nátijesinde Ulttyq qordyń joǵaryda atalǵan aktivteri tyiym salýdan bosatyldy», - delingen habarlamada.
