QR Ulttyq banki aqshany aiyrbastaý pýnkterinde shetel valiýtasyn satyp alý baǵasy satý baǵasynan aýytqý shegin belgileitin joba ázirledi, dep habarlaidy QazAqparat.
«QR Ulttyq banki «Aiyrbastaý pýnkteri arqyly júrgiziletin operatsiialar boiynsha shetel valiýtasyn teńgege satyp alý baǵamynyń satý baǵamynan aýytqý shekterin belgileý týraly» «QRUB Basqarmasynyń 2020 jylǵy 14 shildedegi №86 qaýlysyna ózgeris engizý týraly» jobanyń ázirlenip jatqanyn habarlaidy.
Joba aiyrbastaý pýnkteri arqyly júzege asyrylatyn operatsiialar boiynsha qolma-qol shetel valiýtasyn satyp alý baǵamynyń satý baǵamynan aýytqý shekterin AQSh dollary úshin – 6 teńgeden 15 teńgege, eýro úshin – 7 teńgeden 20 teńgege deiin arttyrýdy usynady, qoldanylý merzimi 2023 jyldyń 1 qańtaryna deiin.
Usynylyp otyrǵan ózgerister, eń aldymen, valiýta naryǵyndaǵy alypsatarlyq áreketterdi azaitýǵa, sonymen qatar valiýta baǵamy tóńiregindegi qubylmalylyqtyń kúsheiýine bailanysty qarjy naryǵyna qatysýshylardyń táýekelderin seiiltýge baǵyttalǵan», - delingen UB habarlamasynda.
Qaýly jobasynyń tolyq mátinimen Qazaqstan Ulttyq bankiniń resmi saitynda tanysýǵa bolady.
