Ulttyq bank ótken aidaǵy infliatsiialyq jaǵdaidy jariialady

2021 jyldyń qyrkúiek aiynda infliatsiialyq kútýlerdiń sandyq baǵasy bir jyl alǵa 9,0%-dy qurady, dep habarlaidy Ulttyq banktiń baspasóz qyzmeti.

Halyqtyń infliatsiiany baǵalaýy joǵary qalpynda qalyp otyr, alaida 2021 jyldyń shilde-tamyzynda baiqalǵan eń joǵary mánderden birshama tómendegeni baiqalady. Atap aitqanda, aǵymdaǵy infliatsiianyń qarqyny jedeldeitinin jáne saqtalatynyn kútken respondentterdiń úlesi 59%-ǵa deiin tómendedi (tamyzda – 61,5%). Saýalnamaǵa qatysqandardyń basym kópshiligi azyq-túlik baǵasynyń kóteriletinin atap ótti (85%). Taýarlar qurylymynda respondentter et pen qus eti, nan-toqash ónimderi, qurylys materialdary, kiim men aiaq kiim, balalarǵa arnalǵan taýarlar baǵasynyń tez ósetinin aitty.

Qyrkúiek aiynda tutynýshylyq kóńil-kúi barlyq komponentte jaqsardy. Halyqtyń taýarlardy kólemdep satyp alýǵa daiyndyǵy artyp, 2020 jyldyń basyndaǵy mánderge jetti. Ekonomikany damytý boiynsha qysqa merzimdi jáne uzaq merzimdi kútýler shekteý sharalarynyń jeńildep, koronavirýspen aýyrǵandar sanynyń azaiýynan jaqsara tústi.