Biylǵy naýryzda qarjy naryǵynda joǵary qubylmalylyq saqtaldy. Bul týraly QR Ultyq bankiniń tóraǵasy Ǵalymjan Pirmatov aityp berdi, dep habarlaidy QazAqparat.
«Geosaiasi táýekelderdiń iske asýy jáne AQSh Federaldy rezerv júiesiniń monetarlyq saiasatyn kúsheitý álemdik qor indeksterin túzetýge ákeldi. Naýryzdyń sońyna qarai damyǵan elder aktsiialarynyń indeksi 5,5%-ǵa tómendep, AQSh-tyń 10 jyldyq memlekettik baǵaly qaǵazdarynyń kiristiligi 2,34%-ǵa deiin 83 bazistik tarmaqqa ósti. Infliatsiialyq qysymnyń ósýine bailanysty Federaldy rezerv júiesi 2018 jylǵy jeltoqsannan bastap alǵash ret negizgi stavkany 25 bazistik tarmaqqa kóterdi», - dedi Ulttyq bank tóraǵasy búgingi Úkimet otyrysynda.
Onyń aitýynsha, biyl negizgi stavka 1,9%-ǵa deiin 7 ret kóterilýi kútilýde, kelesi jyly 2,8%-ǵa deiin 4 ret kóterilýi múmkin.
Sondai-aq, Federaldy rezerv júiesi jaqyn arada óz balansyn qysqarta bastaidy.
«Geosaiasi jaǵdaidyń nasharlaýynan jáne monetarlyq saiasattyń kúsheiýinen investorlardyń qorǵaýshy aktivterge aýysýy baiqalady. AQSh dollarynyń indeksi damyǵan elderdiń valiýtalaryna qarsy 2,8%-ǵa nyǵaidy. Taýar jetkiziliminiń buzylýy, infliatsiianyń kúsheiýi men geosaiasi shielenis sebebinen Global Composite PMI indeksi naýryzda 52,7-ge deiin baiaýlady», - dedi Pirmatov.
