QR Ulttyq banki tóraǵasynyń orynbasary Aqyljan Baimaǵambetov memlekettik baǵdarlamalardy qarjylandyrý týraly málim etti, dep habarlaidy "Ult aqparat".
«Jalpy alǵanda QR Ulttyq banki memlekettik baǵdarlamalarǵa 2,3 trln teńge qarajat bóledi. Bul qarjylandyrý daǵdarysqa qarsy pakettiń 50 paiyzyn qurap otyr. Ulttyq bank «7-20-25» baǵdarlamasyn qarjylandyrýdy jalǵastyryp keledi», - dedi Aqyljan Baimaǵambetov «Koronavirýs pandemiiasy kezinde qarjylyq sektordyń damýy» atty dóńgelek ústelde.
Onyń aitýynsha, qarapaiym zattar ekonomikasy baǵdarlamasyn qarjylandyrý 400 mlrd teńgeden 1 trln teńgege deiin ósti.
Sonymen qatar, kásipkerlik sýbektileriniń jeńildikpen nesielendirý baǵdarlamasyna 800 mlrd teńge jumsaldy.
«2020-2021 jyldarǵa arnalǵan jumyspen qamtýdyń jol kartasy 2020-2021» aiasynda QR Ulttyq banki respýblikalyq biýdjetten bólingen qarajatqa qosymsha 600 mlrd teńge qarastyrdy.
Al «Nurly jer» jáne «5-10-20» baǵdarlamalary aiasynda 390 mlrd teńge bólingen.
