Qazaqstan Respýblikasynyń Ulttyq banki 2018 jylǵy 28 qarashasynan bastap nominaly 5 000 jáne 500 teńgelik kúmisten, nominaly 200 jáne 100 teńgelik melhior qospasynan «Kóshpendilerdiń ǵibadat janýarlary – totemderi» monetalar seriiasynan «Kókbóri» kollektsiialyq monetalaryn ainalymǵa shyǵarady.
Kókbóri (kók qasqyr) – ejelgi túrikterdiń nanymynda basty totemdik janýarlardyń biri. Rýh-baba, rýh-qorǵaýshy, búkil álemdi basqaratyn táńir. Kóshpendi halyqtyń nanym-seniminde qasqyr kók aspanmen bailanysty barynsha mańyzdy nyshandardyń biri bolyp esepteldi.
Nominaly 5 000 jáne 500 teńgelik «Kókbóri» monetalarynyń sipattamasy:
Monetalar altyndatý tehnologiiasyn qoldana otyryp kúmisten jasalǵan jáne gaýhar qondyrmasy bar.
Monetalardyń bet jáne syrt jaqtaryndaǵy beineleri birdei. Monetalardyń bet jaǵynda (aversinde) ulttyq oiý-órnektiń qorshaýynda soǵylǵan jyly, nominaly, Qazaqstan teńge saraiynyń taýar belgisi jáne moneta daiyndalǵan metaldy, onyń synamyn jáne massasyn bildiretin jazba ornalasqan. Monetany ainaldyra «QAZAQSTAN RESPÝBLIKASY • REPUBLIC OF KAZAKHSTAN» degen jazba bar.
Monetalardyń syrt jaǵynda (reversinde) gaýhar qondyrmasy bar qasqyrdyń basynyń natýralistik jáne trafarettik beinesi bar kompozitsiia jáne «Kókbóri» degen jazba ornalasqan. Monetany ainaldyra saqtardyń janýarlar stilinde daiyndalǵan qasqyrdyń sulbasy bar jalpaq jiek beinelengen.
Nominaly 200 jáne 100 teńgelik «Kókbóri» monetalarynyń sipattamasy:
Monetalar melhior qospasynan daiyndalǵan. Nominaly 200 teńgelik monetada altyndatý tehnologiiasy qoldanylǵan.
Monetalardyń bet jaǵynda (aversinde) ulttyq oiý-órnektiń qorshaýynda soǵylǵan jyly, nominaly, Qazaqstan teńge saraiynyń taýar belgisi ornalasqan. Monetany ainaldyra «QAZAQSTAN RESPÝBLIKASY • REPUBLIC OF KAZAKHSTAN» degen jazba bar.
Monetalardyń syrt jaǵynda (reversinde) qasqyrdyń basynyń natýralistik jáne trafarettik beinesi bar kompozitsiia jáne «Kókbóri» degen jazba ornalasqan. Monetany ainaldyra saqtardyń janýarlar stilinde oryndalǵan qasqyrdyń sulbasy bar jalpaq jiek beinelengen.
Nominaly 5 000 teńgelik monetalar 925 synamdy kúmisten jasalǵan, massasy – 25 oz (777,5 gr.), diametri – 100 mm, diametri 2 mm bolatyn bir gaýhartas ornatylǵan, daiyndaý sapasy – «proof», taralymy – 200 dana;
Nominaly 500 teńgelik monetalar 925 synamdy kúmisten jasalǵan, massasy – 31,1 gr., diametri – 38,61 mm, diametri 1 mm bolatyn bir gaýhartas ornatylǵan, daiyndaý sapasy – «proof», taralymy – 3 000 dana;
Nominaly 200 teńgelik monetalar melhior qospasynan jasalǵan, massasy – 15 gr., diametri – 33 mm, daiyndaý sapasy – «rroof-like», taralymy – 3 000 dana;
Nominaly 100 teńgelik monetalar melhior qospasynan jasalǵan, massasy – 11,17 gr., diametri – 31 mm, daiyndaý sapasy – «brilliant uncirculated», taralymy – 30 000 dana.
Nominaly 5 000, 500, 200 jáne 100 teńgelik kollektsiialyq monetalar Qazaqstan Respýblikasynyń búkil aýmaǵynda kórsetilgen qunymen tólemniń barlyq túrleri boiynsha, sondai-aq bank shottaryna esepteý úshin jáne aýdarym jasaý úshin qabyldanýǵa mindetti, Qazaqstan Respýblikasynyń barlyq bankterinde shekteýsiz usaqtalady jáne aiyrbastalady.
Kollektsiialyq monetalardy «Qazaqstan Respýblikasy Ulttyq bankiniń Qazaqstan teńge saraiy» sharýashylyq júrgizý quqyǵyndaǵy respýblikalyq memlekettik kásiporny daiyndaǵan.
Monetalar kollektsiialyq quny boiynsha satýǵa arnalǵan.
Kúmis monetalar kádesyilyq oraýmen shyǵarylady jáne Qazaqstan Respýblikasy Ulttyq bankiniń memlekettik, orys jáne aǵylshyn tilderindegi nómirlik sapa sertifikatymen jabdyqtalǵan.
«Proof-like» daiyndaý sapasy bar melhior qospasynan daiyndalǵan monetalar kádesyilyq oraýmen shyǵarylady.
«Brilliant uncirculated» daiyndaý sapasy bar melhior qospasynan daiyndalǵan monetalar arnaiy poligrafiialyq oraýmen shyǵarylady.
Kollektsiialyq monetalardy Qazaqstan Respýblikasy Ulttyq bankiniń barlyq aýmaqtyq filialdarynda, sondai-aq www.nationalbank.kz saityndaǵy Internet - dúken arqyly satyp alýǵa bolady.
