QR Ulttyq banki Konstitýtsiianyń 25 jyldyǵyna orai merekelik monetalar shyǵarady, dep habarlaidy "Ult aqparat" banktiń baspasóz qyzmetine silteme jasap.
«Qazaqstan Respýblikasynyń Ulttyq Banki melhior qospasynan nominaly 200 teńgelik jáne neizilber qospasynan nominaly 100 teńgelik «QAZAQSTAN KONSTITÝSIASYNA 25 JYL» kollektsiialyq monetalaryn ainalysqa shyǵarady. Monetalardy shyǵarý Qazaqstan Respýblikasy Konstitýtsiiasynyń 25 jyldyǵyna orailastyrylǵan», - delingen habarlamada.
«QAZAQSTAN KONSTITÝSIASYNA 25 JYL» monetalarynyń sipattamasy:
Monetalardyń bet jaǵynda (aversinde) ortalyq bóliginde Qazaqstan Respýblikasynyń memlekettik eltańbasy beinelengen. Sol jáne oń jaǵynda - ulttyq oiý-órnek elementteri. Neizilberden jasalǵan monetanyń tómengi bóliginde nominalyn bildiretin «100 TEŃGE» jazýy bar, al melhiordan jasalǵan monetanyń astynda «200 TEŃGE» jazýy ornalasqan. Ainaldyra «QAZAQSTAN ULTTYQ BANKI • NATIONAL BANK OF KAZAKHSTAN» degen jazýlar bar.
Monetalardyń syrtqy jaǵynda (reversinde) eldiń negizgi zańy – Qazaqstan Respýblikasynyń Konstitýtsiiasyn beineleitin ashylǵan kitaptyń aishyqty beinesi jáne Qazaqstan Respýblikasynyń memlekettik eltańbasy bar. Joǵary jaǵynda soǵylǵan jylyn bildiretin «2020» degen jazba bar. Ainaldyra «QAZAQSTAN KONSTITÝSIASYNA» jáne «25 JYL» degen jazýlar bar.
Melhiordan jasalǵan monetalardyń beinesi, tehnikalyq ólshemderi:
«Rroof-like» sapaly monetalar MN 25 melhior qospasynan, massasy 15 gramm, diametri 33 mm, nominaly 200 teńgelik, taralymy 3000 danada daiyndaldy. Monetalarda altyndatý tehnologiiasy qoldanylǵan.
«Uncirculated» sapaly monetalar MNTs 15-20 MNTs 15-20 qospasynan, massasy 11,17 gramm, diametri 31 mm, nominaly 100 teńgelik, taralymy 50 000.
Monetalar kollektsiialyq quny boiynsha satýǵa arnalǵan.
Nominaly 200 teńgelik jáne 100 teńgelik kollektsiialyq monetalar tólemderdiń barlyq túrleri boiynsha Qazaqstan Respýblikasynyń búkil aýmaǵynda olardyń belgilengen qunymen qabyldanýǵa, sondai-aq bank shottaryna esepke alynýǵa jáne aýdarylýǵa mindetti, Qazaqstan Respýblikasynyń barlyq bankterinde shekteýsiz usaqtalady jáne aiyrbastalady.
Melhior qospasynan daiyndalǵan monetalar kádesyilyq oramda shyǵarylady.
Kollektsiialyq monetalar Qazaqstan teńge saraiynda daiyndalǵan.
