Ulttyq Bank turaqty negizde qarjylyq ornyqtylyqty jáne saqtandyrý naryǵynyń ashyqtyǵyn qamtamasyz etý jáne josyqsyz qatysýshylarǵa – saqtandyrý kompaniialaryna, saqtandyrý brokerlerine qadaǵalaý sharalaryn qabyldaý boiynsha boiynsha júielik sharalardy júrgizedi.
Sońǵy úsh jyl ishinde 4 saqtandyrý kompaniiasy qaita uiymdastyrylyp, litsenziialaryn erikti túrde tapsyrdy. Ulttyq Bank qabyldap jatqan sharalar qadaǵalaý protsesiniń bir bóligi bolyp tabylady jáne saqtandyrýǵa degen senimdi arttyrýǵa jáne saqtandyrý naryǵynan aktivterdi shyǵarýǵa jol bermeýge baǵyttalǵan.
Ulttyq Banktiń «Kompetenz» AQ-ty litsenziiasynan aiyrý jónindegi áreketterine qatysty paida bolǵan aqparatqa bailanysty Ulttyq Bank tómendegini habarlaýdy qajet dep sanaidy.
Ulttyq Bank Basqarmasynyń 2019 jylǵy 31 qańtardaǵy № 10 qaýlysynda Kompaniia 2019 jylǵy 1 aqpannan bastap litsenziianyń qoldanylýy birneshe ret (sońǵy on eki ai ishinde eki ret) toqtatylǵany úshin Saqtandyrý qyzmeti týraly zańda kózdelgen negizder boiynsha «jalpy saqtandyrý» salasy boiynsha saqtandyrý (qaita saqtandyrý) qyzmetin júzege asyrýǵa berilgen litsenziiasynan aiyryldy.
Budan buryn Ulttyq Bank Kompaniiaǵa qatysty 2014 jyldan bastap júieli túrde myna sharalardy qoldandy:
2014 jyly – shekteýli yqpal etý sharalary – 6 ret, ákimshilik jaza túrindegi sanktsiialar – 41 ret;
2015 jyly – shekteýli yqpal etý sharalary – 10 ret, ákimshilik jaza túrindegi sanktsiialar – 1 ret;
2016 jyly – shekteýli yqpal etý sharalary – 7 ret, ákimshilik jaza túrindegi sanktsiialar – 11 ret;
2017 jyly – shekteýli yqpal etý sharalary – 9 ret, ákimshilik jaza túrindegi sanktsiialar – 69 ret, basshy qyzmetkerlerdi shettetý – 1 ret;
2018 jyly – shekteýli yqpal etý sharalary – 9 ret, ákimshilik jaza túrindegi sanktsiialar – 33 ret, litsenziianyń qoldanylýyn toqtata turý – 2 ret, jeke saqtandyrý synyby boiynsha litsenziiadan aiyrý – 1 ret.
Kompaniiaǵa qatysty qoldanylǵan sharalardan eshqandai áser bolmaǵandyqtan, normativterdi buzý jiiligi men uzaqtyǵyn (2017 jyly buzýshylyq 10 eseptik kúnge, 2018 jyly 7 eseptik kúnge jiberildi) eskere otyryp, Ulttyq Bank saqtandyrýdyń jekelegen synyptary boiynsha litsenziiany eki ret toqtata turdy jáne júkterdi saqtandyrý synyby boiynsha litsenziiadan aiyrdy.
Sonymen qosa, tekserý sheńberinde Kompaniianyń laýazymdy adamdary jasasqan Kompaniia aktivteriniń 1/3 mólsherinde kompaniiadan qarajatty shyǵarý, onyń ishinde shetelde qaita saqtandyrý kezinde shyǵarý belgileri bar mámilelerdi anyqtady. Tiisti materialdardy Ulttyq Bank quqyq qorǵaý organdaryna berdi.
