Ulttyq bank kóbelekke jáne quraq kórpege arnalǵan kollektsiialyq monetalardy ainalysqa shyǵardy, dep habarlaidy «Ult aqparat» QR UB baspasóz qyzmetine silteme jasap.
Ulttyq bank 27 qarashada nominaly 500 teńgelik kúmis «Dala qazynasy» monetalar seriiasynan «Quraq kórpe» kollektsiialyq monetalaryn jáne nominaly 200 jáne 100 teńgelik melhior qospasynan «Qazaqstannyń florasy men faýnasy» monetalar seriiasynan «Kόbelek. Lasiommata maera» kollektsiialyq monetalaryn ainalysqa shyǵardy.
«Quraq kórpe» tósenishiniń tarihy ejelden bastaý alady. Ol qalyńdyqtyń jasaýyna daiyndaidy. Ýaqyt ózgeredi, bárimizge tanys ájeniń kórpesin qoldaný da ózgeredi. Alýan túrli oiý-órnekter, kempirqosaqtyń barlyq túsi – osynyń bári qazaq kórpesi, qoldan jasalǵan quraq kórpe» delingen habarlamada.
Monetalar túrli tústi basý tehnologiiasyn qoldana otyryp kúmisten jasalǵan. Tiynnyń aversinde ortalyq bóliginde «QAZAQSTAN RESPÝBLIKASY ∙ REPUBLIC OF KAZAKHSTAN» degen jazbanyń qorshaýynda Eltańbasy ornalasqan. Monetany ainaldyra – ulttyq oiý-órnek salynǵan. Monetanyń reversinde qoldan jasalǵan quraq kórpeniń beinesi, «Quraq kórpe» degen jazý, soǵylǵan jyly jáne Qazaqstan teńge saraiynyń taýar belgisi ornalasqan.
Monetalar 925/1000 synamaly kúmisten daiyndalǵan, massasy – 31,1 gramm, diametri – 38,61 mm, daiyndaý sapasy – «proof», taralymy – 1 500 dana.
Nominaly 200 teńgelik «Kόbelek. Lasiommata maera» moneta «Mera barqyty» kóbelegine arnalǵan. Ol Qazaqstannyń taýlarynda, Kishi, Orta jáne Ortalyq Aziiada, sondai-aq soltústik Afrikada, Eýropada jáne Batys Sibirde keńinen taralǵan. Latyn tilindegi túr ataýy ejelgi grek mifologiiasynan alynǵan jáne Atlanttyń qyzy – Meramen bailanysty.
Monetalardyń bet jaǵynda (aversinde) oń jaǵynda janýarlar men ósimdikterden quralǵan kollaj qorshaýynda Qazaqstan Eltańbasy, sol jaqta Ulttyq banktiń taýar belgisi (logotipi) jáne monetanyń nominalyn bildiretin «200 TEŃGE» degen jazba ornalasqan. Monetanyń syrt jaǵynda (reversinde) interferentsiialyq qubylmaly beineleýdi jáne túrli tústi basyp shyǵarýdy qoldana otyryp kóbelek beinelengen, monetanyń joǵarǵy oń jaq bóliginde «Kόbelek. Lasiommata maera» (latynsha túr ataýy) ornalasqan. Tómengi bóliginde monetanyń atyn jáne soǵylǵan jylyn bildiretin «Kóbelek 2019» degen jazba bar.
Nominaly 100 teńgelik «Kόbelek. Lasiommata maera» monetada osyndai etip árlengen.
Monetalar interferentsiialyq qubylmaly beineleý tehnologiiasyn qoldana otyryp melhior qospasynan daiyndalǵan.
1) nominaly 200 teńgelik moneta melhior qospasynan, «rroof-like» sapasymen daiyndalǵan, massasy – 15 gramm, diametri – 33 mm, taralymy – 5 myń dana;
2) nominaly 100 teńgelik moneta melhior qospasynan, «brilliant uncirculated» sapasymen daiyndalǵan, massasy – 11,17 gramm, diametri – 31 mm, taralymy – 20 myń dana.
Monetalar kollektsiialyq quny boiynsha satýǵa arnalǵan.
Nominaly 500 teńgelik, 200 teńgelik jáne 100 teńgelik kollektsiialyq monetalar Qazaqstan aýmaǵynda kórsetilgen qunymen tólemniń barlyq túrleri boiynsha, sondai-aq bank shottaryna esepteý úshin jáne aýdarym jasaý úshin qabyldanýǵa mindetti.
Kúmis monetalar kádesyilyq oraýmen shyǵarylady jáne Ulttyq bankiniń memlekettik, orys jáne aǵylshyn tilderindegi nómirlik sapa sertifikatymen jabdyqtalǵan.
Kollektsiialyq monetalardy «QR Ulttyq bankiniń Qazaqstan teńge saraiy» sharýashylyq júrgizý quqyǵyndaǵy respýblikalyq memlekettik kásiporny daiyndaǵan.
Monetalardy Ulttyq bankiniń barlyq aýmaqtyq filialdarynda, sondai-aq internet dúken arqyly satyp alýǵa bolady.
