QR Ulttyq banki áleýmettik jelilerde taraǵan «altyn» valiýtasy jóninde túsinikteme berdi, dep habarlaidy "Ult aqparat".
«Áleýmettik jeliler men messendjerlerde teńgeniń qunsyzdanýy men Qazaqstannyń jańa valiýta - altynǵa aýysatyny týraly aqparat taralyp jatyr. Aýdiohabarlamadaǵy belgisiz daýys kezekti ret qazaqstandyqtardy dollar satyp alýǵa úgitteidi jáne qaryzǵa avtokólik, páter alýǵa keńes beredi. Ulttyq bank bul aqparattyń jalǵan, arandatýshylyq pen ekonomikalyq qaskúnemdikke shaqyratynyn málimdeidi», - dep habarlady Ulttyq banktiń baspasóz qyzmetinen.
Qasaqana jalǵan aqparat taratýshylardy anyqtaý maqsatynda bank quqyqqorǵaý organdaryna júgingen.
«Ulttyq bank aýdiojazbadaǵy daýysty tanyǵan adamdardy banktiń telefonyna nemese áleýmettik jelidegi resmi paraqshalaryna habarlasýdy suraidy», - dedi qarjy institýtynan.
