QR Ulttyq bank tóraǵasy Daniiar Aqyshev Qazaqstannyń ulttyq valiýtasy - teńgeniń ainalymǵa engenine 25 jyl tolýymen quttyqtady, dep habarlaidy "Ult aqparat".
«Ótken 25 jylda qarjy salasynda kóptegen reforma júzege asyryldy. Ulttyq banktiń aqsha-kredit saiasaty jáne qarjy institýttaryn retteý men qadaǵalaý qyzmeti jetildirildi», - dedi Daniiar Aqyshev quttyqtaý sózinde.
QR Ulttyq banktiń Feisbýktegi paraqshasynda jariialanǵan videoda Ulttyq bank tóraǵasynyń orynbasarlary Janat Qurmanov, Dina Ǵalieva, Oleg Smoliakov pen Alpysbai Ahmetov, Bankterdi qadaǵalaý departamentiniń direktory Oljas Qizatov, Tólem júieleri departamentiniń direktory Erlan Ashyqbekovter teńgeniń 25 jyldyǵy jáne qarjygerlerdi, bank qyzmetkerlerin tól merekesimen quttyqtai otyryp, lebiz bildirdi.
Eske sala ketsek, Qazaqstanda ulttyq valiýta Qazaqstan Respýblikasy Elbasynyń 1993 jylǵy 12 qarashadaǵy №1399 Jarlyǵymen «Qazaqstan Respýblikasynyń ulttyq valiýtasyn engizý týraly» 1993 jylǵy 15 qarashada ainalymǵa engizildi.
Keiinnen, 1998 jyldan bastap, 15 qarasha kásibi mereke retinde Ulttyq valiýta - teńge kúni jáne Qazaqstan Respýblikasynyń qarjy júiesi qyzmetkerleriniń merekesi bolyp belgilendi.
Biyl ekonomikalyq táýelsizdigimizdiń nyshany, Qazaqstannyń ulttyq valiýtasy - teńgeniń ainalymǵa engenine 25 jyl tolady.
