Ulttyq banktiń valiýta interventsiiasy keiingi aptada 420 million dollardan asty, - dep habarlaidy Tengrinews.kz tilshisi UB baspasóz qyzmetine silteme jasap.
Álemdik qarjy naryǵyndaǵy jaǵdai áli de qubylmaly bolyp turǵany aityldy.
"Ishki valiýta naryǵyndaǵy ahýaldyń turaqsyzdanýyna jol bermeý úshin 9 naýryzda Qazaqstan qor birjasynda dollar-teńge juby boiynsha saýda-sattyq Frankfýrt aýktsionyna sai ótkizildi. Onyń qorytyndysy boiynsha Ulttyq banktiń valiýta interventsiiasy 198,9 million AQSh dollary nemese bir kúngi saýdadaǵy jalpy kólemniń 94,4 paiyzy boldy", - delingen habarlamada.
Ulttyq banktiń baspasóz qyzmeti málimetinshe, syrtqy ózgeristerdiń el ekonomikasyna áserin boldyrmaý úshin jáne ishki valiýta naryǵyndaǵy balansty qoldaý maqsatynda Ulttyq bank valiýta interventsiiasyn júrgizedi.
"Keiingi aptada onyń kólemi 421,9 million AQSh dollary nemese birjalyq saýdanyń jalpy kóleminiń 59,2 paiyzy boldy. Ulttyq qordan respýblikalyq biýdjetke transfertterdi qamtamasyz etý úshin valiýta satý 240,2 million AQSh dollaryna teń boldy. Ulttyq banktiń valiýta interventsiiasy men Ulttyq qordan satý úlesi saýda-sattyqtyń jalpy kóleminiń 92,9 paiyzy bolady", - delingen habarlamada.
Qysqa merzimdi ýaqyt ishinde teńgeniń qubylmalylyǵy sanktsiiaǵa, ishki qatysýshylardyń josparyna jáne álemdik naryqtardaǵy jaǵdaiǵa bailanysty bolady.
"Bul rette Ulttyq bank ekonomikadaǵy qurylymdyq ózgerister men aiyrbastaý baǵamynyń erkin qalyptasý qaǵidattaryna beiimdilik talaby boiynsha infliatsiia targetiniń tolyq rejimine aýysý boiynsha jumysty jalǵastyrady", - delingen habarlamada.
