Qazaqstan Respýblikasynyń Ulttyq Banki 2017 jylǵy 29 qarashada nominaly 500 teńgelik proof sapasymen "Dala qazynasy" monetalar seriiasymen "Dombyra" eskertkish kúmis monetasyn ainalysqa shyǵarady, - dep habarlaidy "Ult aqparat" banktiń baspasóz qyzmetine silteme jasap.

Vedomstvo málimetinshe, monetalar 925 synamdy kúmisten jasalǵan. Massasy - 31,1 gramm, diametri 1 millimetr bolatyn bir gaýhartas ornatylǵan, diametri - 38,61 mm, daiyndaý sapasy - proof, taralymy - 3 myń dana. Sondai-aq, monetaǵa gaýhartas ornatylǵan, altyndatý tehnologiiasy qoldanylǵan.

"Monetanyń bet jaǵynyń (aversinde) ortalyq bóliginde, oiý-órnek ishinde ulttyq mýzykalyq aspap - dombyra beinelengen. Oń jaǵynda monetanyń nominalyn bildiretin "500 teńge" degen jazba jáne moneta daiyndalǵan metaldy, onyń synamy men massasyn bildiretin "Ag 925 31,1g" degen jazba ornalasqan. Sheńber syrty memlekettik tilde "QAZAQSTAN RESPÝBLIKASY" jáne orys tilinde "RESPÝBLIKA KAZAHSTAN" degen jazba bar.

Proof sapasymen jasalǵan eskertkish monetalar kollektsiialyq quny boiynsha satýǵa arnalǵan. Olar kádesyilyq oraýmen shyǵarylady jáne Qazaqstan Respýblikasy Ulttyq Bankiniń memlekettik, orys jáne aǵylshyn tilderindegi nómirlik sapa sertifikatymen jabdyqtalǵan.

Nominaly 500 teńgelik eskertkish monetalar Qazaqstan Respýblikasynyń búkil aýmaǵynda kórsetilgen qunymen tólemniń barlyq túrleri boiynsha, sondai-aq bank shottaryna esepteý úshin jáne aýdarym jasaý úshin qabyldanýǵa mindetti, Qazaqstan Respýblikasynyń barlyq bankterinde shekteýsiz usaqtalady jáne aiyrbastalady.

"Monetalardy Qazaqstan Respýblikasy Ulttyq Bankiniń barlyq filialdarynda, sondai-aq "Monetalardyń Internet-dúkeni" www.nationalbank.kz QRUB saitynyń internet – dúkeni arqyly satyp alýǵa bolady", - dep habarlady banktiń baspasóz qyzmetindegiler.