Ulttyq banktiń tólem júieleri departamentiniń direktory Erlan Ashyqbekov elektrondyq ámiiandy paidalanýdyń jańa erejelerin túsindirdi, dep habarlaidy QazAqparat.
Elektrondyq ámiiandar – yńǵaily tólem quraly. Olardyń kómegimen taýarlardyń aqshasyn tólep, kommýnaldyq qyzmetter, salyqtar jáne basqa da kúndelikti tranzaktsiialardy júrgizýge bolady.
«Bul servisterdiń tanymaldylyǵy kúnnen kúnge ósýde. Elektrondyq ámiiandar boiynsha qyzmetti bankter jáne de Ulttyq bankte tirkeýden ótken tólem uiymdary kórsetedi. Osy qyzmet boiynsha olardyń ainalymy 580 mlrd teńgeni qurady. 2020 jyldyń 17 shildesinde elektrondyq ámiiandar qoldaný salasyn jetildirý úshin biz ázirlegen jańa zańnamalyq túzetýler kúshine endi», – deidi Ulttyq banktiń tólem júieleri departamentiniń direktory Erlan Ashyqbekov.
Negizgi maqsat – aqshany jylystatý jáne basqa da zańsyz operatsiialar úshin elektrondyq ámiiandardy paidalaný múmkindigin boldyrmaý. Ol úshin anonimdi paidalanýshylar arasynda aýdarymdarǵa tyiym salynyp, olar úshin aqsha shyǵarýǵa shekteý engizildi.
«Bul jalpy álemdik tájiribe men úrdis. Kóptegen elder osyndai erejeler engizýde, Qazaqstan da osy qatarda. Sonymen qatar, taýarlar men qyzmetterdi burynǵydai sáikestendirý rásimin ótpesten, sonyń ishinde terminaldar arqyly tóleý mýmkindigi saqtalyp kaldy. Jalǵyz nárse – tólemdi tek sáikestendirilgen paidalanýshylar ǵana ala alady jáne somasy 50 AEK-ten aspaýy kerek», – dep túsindirdi bank ókili.
Sáikestendirý tolyq jáne jeńildetilgen bolyp ekige bólinedi. Klient tolyq sáikestendirýdi ótken jaǵdaida onyń elektrondyq ámiianmen júrgiziletin operatsiialaryna qandai da bir shekteýler qoiylmaidy. Jeńildetilgen sáikestendirýdi qashyqtan qyzmet kórsetý servistary arqyly ótýge bolady.
«Birinshiden, ámiian iesi basqa qoldanýshylardan aqsha aýdarymdaryn qabyldai alady. Ekinshiden, operatsiialar limiti 2 ese 100 AEK-ke deiin kóteriledi. Úshinshiden, aqshalardy elektrondyq ámiian arqyly óz shotyna ne tólem kartochkasyna shyǵarýǵa bolady»,– deidi departament direktory.
Osy jańashyldyqtyń arqasynda, kásipkerler qolma-qol aqshasyz tólemderdi qabyldaý boiynsha tranzaktsiialyq shyǵyndaryn azaitady.
«Buryn kásipkerler ámiiandy qoldanǵanda aldymen tólemderdi qabyldap, sosyn aqshany banktik shotqa shyǵarý kerek bolatyn. Bul qosymsha ýaqyt alyp, qosymsha shyǵynǵa ushyratatyn. Osy shekteý alynyp tastaldy, endi kásipkerler elektrondyq ámiandy esep aiyrylysý úshin paidalanyp, basqa kásipkelermen tikelei jumys istei alady»,– dep tolyqtyrdy spiker.
