Qazaqstan Ulttyq Bankiniń ókilderi qarjy naryǵyna qatysýshylarmen tsifrlyq teńge jobasyn jáne tsifrlyq teńgeni engizý jónindegi pilottyq jobaǵa ekinshi deńgeili bankterdiń qatysý múmkindigin talqylady, dep habarlaidy QR Ulttyq bankiniń baspasóz qyzmeti.
Pikirtalasqa 60 qatysýshy, onyń ishinde qarjy naryǵynyń ókilderi men tólem júieleri salasyndaǵy halyqaralyq sarapshylar qatysty. Kezdesý barysynda halyqaralyq tájiribeni taldaý, pilottyq jobaǵa qatysýǵa qoiylatyn talaptar men naryqqa qatysýshylardy tsifrlyq teńge platformasynda jańa qarjy ónimderin ázirleýge tartý jóninde josparlar usynyldy.
Tehnologiialar men tólem júieleriniń jappai damýyn eskere otyryp, tsifrlyq teńge qolda bar qolma-qol jáne qolma-qol aqshasyz tólemderge qosymsha jańa tólem quraly bolý áleýetine ie. Onyń mindeti – tólem qyzmetteri naryǵynda básekelestikti kúsheitý, halyq úshin innovatsiialyq servisterdi ázirleýdi jedeldetý, sondai-aq óńirlerde qarjylyq qyzmetterdiń qoljetimdiligin arttyrý.
Qazirgi ýaqytta tsifrlyq valiýtany qurý jáne engizý jónindegi jobalardy álemdegi ortalyq bankter júzege asyrýda.
Qazaqstan Ulttyq Banki jobanyń nátijelerin jurtshylyqpen jáne qarjy naryǵymen jariia talqylaýdy jalǵastyrýdy jáne kezdesý qorytyndylaryn buqaralyq aqparat quraldarynda jariialaýdy maqsat tutyp otyr.
