2022 jyldyń 1 toqsany boiynsha Qazaqstanda tutynýshylyq, investitsiialyq suranysty jáne ekonomikany kreditteý artty. Bul týraly QR Ulttyq bankiniń tóraǵasy Ǵalymjan Pirmatov málim etti, dep habarlaidy QazAqparat.
«Ulttyq bank 26 sáýirden bastap +/-1 paiyzdyq tarmaq paiyzdyq dálizimen bazalyq mólsherlemeni 14%-ǵa deiin kóterý týraly sheshim qabyldady. Mundai sheshim ekonomikadaǵy proinfliatsiialyq faktorlardyń aitarlyqtai ósýine bailanysty qabyldandy. Biyl 1-toqsanda biz iskerlik belsendiliktiń, tutynýshylyq jáne investitsiialyq suranystyń jáne ekonomikany kreditteý ósti. Bul faktorlar fiskaldyq yntalandyrý sharalarymen birge ishki suranysty da qoldaidy», - dedi Ǵalymjan Pirmatov Ulttyq bankte ótken baspasóz máslihatynda.
Tóraǵanyń aitýynsha, baǵa turaqtylyǵyn saqtaý Ulttyq banktiń negizgi mindeti.
«Osyǵan bailanysty infliatsiiaǵa qarsy aqsha-kredit saiasatynyń róli qazirgi kezde tutynýshylardyń qarajat jinaqtaý áreketin qoldaý úshin mańyzdy. Atalǵan sharalardyń kómegimen biz suranys pen usynystyń teńgerimdi bolýyna jáne eki tańbaly kórsetkishke jetken infliatsiianyń retsiz óspeýine yqpal ete alamyz. Sondyqtan biz úshin bazalyq mólsherlemeni kóterý týraly sheshim, birinshi kezekte, infliatsiianyń ósý úrdisine jol bermeý jolyndaǵy qajetti shara», - deidi ol.
