QR Ulttyq banki bazalyq stavkany 9,00% deńgeiinde saqtaý týraly sheshim qabyldady, dep habarlaidy "Ult aqparat" UB baspasóz qyzmetine silteme jasap.
Bazalyq stavkanyń paiyzdyq dálizi +/- 1 p.t. deńgeiindegi saqtalady. Infliatsiia deńgeii Ulttyq banktiń boljamyna sáikes qalyptasýda. Infliatsiialyq kútý jyldyq infliatsiia deńgeiinde qalyptasty.
«Ulttyq banktiń naqtylanǵan boljamy boiynsha infliatsiia jyl sońyna deiin maqsatty dáliz sheginde onyń joǵary shekarasyna jaqyn qalyptasýyn jalǵastyrady. Álemdik shikizat naryqtarynda táýekelder deńgeii artýy jáne ósip kele jatqan tutynýshylyq suranys tarapynan infliatsiiany ulǵaitatyn qysym kúsheigen kezde jyldyń sońyna deiin aqsha-kredit talaptaryn qatańdatý joqqa shyǵarylmaidy», delingen habarlamada.
Jyldyq infliatsiia 4-6% nysanaly dáliz ishinde saqtalýda. Maýsymda tutyný baǵalarynyń 0,2%-ǵa ósýi kezinde jyldyq infliatsiia 5,4% deńgeiinde qalyptasty. Azyq-túlik taýarlary baǵasynyń ósýi infliatsiianyń ósýine negizgi úlesin qosýdy jalǵastyrýda, olardyń baǵasy jyldyq kórsetý boiynsha 8,2%-ǵa ósti. Baǵanyń ósýi jekelegen ishki taýar naryqtarynda (et jáne et ónimderi, nan-toqash ónimderi men jarmalar) usynys faktorlarynyń yqpalynan, sondai-aq álemdik azyq-túlik naryqtarynda dándi daqyldar men et ónimderiniń qymbattaýynan boldy.
Azyq-túlikke jatpaityn infliatsiia 6,1% deńgeiinde saqtaldy. Aqyly qyzmetterge arnalǵan tarifterdiń jyldyq ósý qarqyny 1,2% eń tómengi deńgeide qalyptasýyn jalǵastyrýda.
Halyqtyń infliatsiialyq kútýleri azyq-túlik naryqtardaǵy baǵalardyń ózgerýine sezimtal bola tura, ósti. Kútiletin infliatsiia naqty deńgeide qalyptasyp, aǵymdaǵy jylǵy mamyrdaǵy 4,7%-ben salystyrǵanda maýsymda 5,4%-dy qurady.
Ishki suranys faktorlary tarapynan infliatsiiany ulǵaitatyn qysym baiqalady. Naqty aqshalai tabystardyń ósýi qańtar-mamyrda 5,5%-dy qurady. Ishki suranystyń keńeiýi áleýmettik qoldaýdyń biýdjettik baǵdarlamalary keńeiýimen, sondai-aq qysqa merzimdi tutynýshylyq qaryzdarmen yntalandyrylýda. Bankterdiń tutynýshylyq kreditteri mamyrda jyldyq kórsetkishte 14,8%-ǵa ósti.
Ekonomikalyq belsendilikte oń serpin baiqalýda. 2019 jyldyń birinshi jartysynda Qazaqstan ekonomikasy 4,1%-ǵa ósti. Oń investitsiialyq belsendilik saqtalýda, 2019 jylǵy qańtar-maýsymda negizgi kapitalǵa investitsiia 11,7%-ǵa ósti.
Aldyńǵy sheshimmen salystyrǵanda syrtqy sektordaǵy táýekelder balansy ózgerdi. Jyl basynan bastap Brent markaly munaidyń ortasha baǵasy 2018 jyl ishindegi bir barreli 72 AQSh dollarymen salystyrǵanda bir barreli 66 AQSh dollar boldy. Halyqaralyq uiymdar álemdik ekonomikanyń jáne Qazaqstannyń negizgi saýda áriptesteriniń ekonomikasynyń 2019 jylǵa arnalǵan ósý boljamyn tómendetý jaǵyna qaita qarady, bul Qazaqstan eksportyna syrtqy suranystyń tómendeýine yqpal etedi. AQSh pen Qytai arasyndaǵy saýda kelissózderi aiaqtalmady.
Bul rette negizgi saýda áriptes elderdegi infliatsiia qalypty deńgeide qalyptasýda (Resei men Qytaida maýsymda tiisinshe 4,7% jáne 2,7%-dy qurady, Eýropalyq Odaqta mamyrda 1,6%-ǵa deiin tómendedi).
Syrtqy monetarlyq jaǵdailar birtindep jeńildeýde. Buǵan AQSh FRJ-nyń stavkalary traektoriiasynyń odan ári tómen bolýyna qatysty ritorikasy, sondai-aq EOB-nyń ekonomikany yntalandyrýdyń qosymsha sharalary týraly málimdemesi yqpal etti. Resei Federatsiiasynyń Ortalyq banki biyl maýsym aiynda jyldyń sońyna deiin qosymsha tómendetý múmkindigimen negizgi stavkany 7,5%-ǵa deiin tómendetti.
Bazalyq stavkanyń aǵymdaǵy deńgeii jáne aqsha-kredit talaptary infliatsiianyń boljamdy kezeńde 4-6% nysanaly dálizdiń joǵarǵy shegi deńgeiinde saqtalýyn qamtamasyz etedi. Infliatsiia boiynsha maqsatqa qol jetkizý úshin negizgi táýekelderdiń oryndalý yqtimaldyǵy artqan kezde Ulttyq bank jyldyń sońyna deiin bazalyq stavkany kóterý máselesin qaraýǵa daiyn.
Bazalyq stavka boiynsha kezekti sheshim 2019 jylǵy 9 qyrkúiekte Nur-Sultan qalasynyń ýaqytymen saǵat 17:00-de jariialanady.
