Qazaqstan Ulttyq banki bazalyq mólsherlemeni +/- 1,0 p.t. paiyzdyq dálizben jyldyq 9% deńgeiinde saqtaý týraly sheshim qabyldady, dep habarlaidy "Ult aqparat" Banktiń baspasóz qyzmetine silteme jasap.
Tiisinshe, ótimdilikti usyný boiynsha turaqty qol jetkizý operatsiialary boiynsha mólsherleme 10,0% jáne ótimdilikti alý boiynsha turaqty qol jetkizý operatsiialary boiynsha mólsherleme 8,0% bolady.
«Sheshim munai naryǵyndaǵy fýndamentaldy turaqsyzdyqpen, eldegi jáne álemdegi epidemiologiialyq ahýalǵa, sondai-aq jappai vaktsinatsiialaý merzimine bailanysty áli de saqtalyp otyrǵan belgisizdik jaǵdaiynda joǵary jáne álsiz turaqtanǵan infliatsiialyq kútýlermen negizdelgen. Infliatsiialyq kútýlerdiń turaqtanýy 2021-2022 jyldary infliatsiia boiynsha maqsatqa qol jetkizý úshin negiz bolyp tabylady, osyǵan bailanysty bazalyq mólsherlemeniń qazirgi deńgeii 2021 jyldyń sońyna qarai infliatsiia boiynsha 4–6%-dyq maqsatqa qol jetkizýge múmkindik beredi», – dep habarlady bankten.
2020 jyldyń qarasha aiynda jyldyq infliatsiia osy jyldyń maýsym-qazan aralyǵynda 7,0–7,1% deńgeiinde turaqtanǵannan keiin 7,3%-ǵa deiin jyldamdady. Infliatsiialyq protsesterdiń serpini 4-6% nysanaly dálizinen joǵary qalyptasýdy jalǵastyrýda.
2020 jyldyń qorytyndysy boiynsha Qazaqstandaǵy infliatsiia boljamy tómendeý jaǵyna qarai qaita qaraldy. 2020 jylǵy jeltoqsanda jyldyq infliatsiia qaita karantin sharalary aiasynda ishki suranystyń neǵurlym aiqyn dezinfliatsiialyq áserine bailanysty 7,3–7,5% aýqymynda kútiledi. Degenmen, infliatsiianyń orta merzimdi boljamdary aitarlyqtai ózgeristerge ushyraǵan joq – 4-6% nysanaly dáliziniń joǵarǵy shegine qarai birtindep baiaýlaý 2021 jyldyń sońyna qarai ǵana bolady.
«Qazaqstan ekonomikasy 2020 jylǵy 11 aidyń qorytyndysy boiynsha jyldyq kórsetkishte 2,8%-ǵa qysqardy – ekonomikalyq belsendiliktiń tómendeýi kútilgennen anaǵurlym tereń bolyp shyqty.
Aqsha naryǵyndaǵy turaqty jaǵdai bazalyq mólsherlemeniń dálizin epidemiia aldyndaǵy deńgeige deiin taryltýǵa múmkindik berdi.
«Ulttyq Bank infliatsiia serpinine áser etetin ishki jáne syrtqy faktorlarǵa monitoring júrgizýdi jalǵastyrady. Bazalyq mólsherleme boiynsha budan keiingi sheshimder infliatsiianyń naqty serpininiń onyń nysanaly baǵdarlaryna sáikestigi, infliatsiialyq kútýlerdiń tómendeý jyldamdyǵy, suranystyń qalpyna kelýi, sondai-aq infliatsiialyq táýekelder teńgerimi eskerile otyryp qabyldanatyn bolady», – delingen habarlamada.
