قازاقستان ۇلتتىق بانكٸ بازالىق مٶلشەرلەمەنٸ +/- 1,0 پ.ت. پايىزدىق دەلٸزبەن جىلدىق 9% دەڭگەيٸندە ساقتاۋ تۋرالى شەشٸم قابىلدادى, دەپ حابارلايدى "ۇلت اقپارات" بانكتٸڭ باسپاسٶز قىزمەتٸنە سٸلتەمە جاساپ.
تيٸسٸنشە, ٶتٸمدٸلٸكتٸ ۇسىنۋ بويىنشا تۇراقتى قول جەتكٸزۋ وپەراتسييالارى بويىنشا مٶلشەرلەمە 10,0% جەنە ٶتٸمدٸلٸكتٸ الۋ بويىنشا تۇراقتى قول جەتكٸزۋ وپەراتسييالارى بويىنشا مٶلشەرلەمە 8,0% بولادى.
«شەشٸم مۇناي نارىعىنداعى فۋندامەنتالدى تۇراقسىزدىقپەن, ەلدەگٸ جەنە ەلەمدەگٸ ەپيدەميولوگييالىق احۋالعا, سونداي-اق جاپپاي ۆاكتسيناتسييالاۋ مەرزٸمٸنە بايلانىستى ەلٸ دە ساقتالىپ وتىرعان بەلگٸسٸزدٸك جاعدايىندا جوعارى جەنە ەلسٸز تۇراقتانعان ينفلياتسييالىق كٷتۋلەرمەن نەگٸزدەلگەن. ينفلياتسييالىق كٷتۋلەردٸڭ تۇراقتانۋى 2021-2022 جىلدارى ينفلياتسييا بويىنشا ماقساتقا قول جەتكٸزۋ ٷشٸن نەگٸز بولىپ تابىلادى, وسىعان بايلانىستى بازالىق مٶلشەرلەمەنٸڭ قازٸرگٸ دەڭگەيٸ 2021 جىلدىڭ سوڭىنا قاراي ينفلياتسييا بويىنشا 4–6%-دىق ماقساتقا قول جەتكٸزۋگە مٷمكٸندٸك بەرەدٸ», – دەپ حابارلادى بانكتەن.
2020 جىلدىڭ قاراشا ايىندا جىلدىق ينفلياتسييا وسى جىلدىڭ ماۋسىم-قازان ارالىعىندا 7,0–7,1% دەڭگەيٸندە تۇراقتانعاننان كەيٸن 7,3%-عا دەيٸن جىلدامدادى. ينفلياتسييالىق پروتسەستەردٸڭ سەرپٸنٸ 4-6% نىسانالى دەلٸزٸنەن جوعارى قالىپتاسۋدى جالعاستىرۋدا.
2020 جىلدىڭ قورىتىندىسى بويىنشا قازاقستانداعى ينفلياتسييا بولجامى تٶمەندەۋ جاعىنا قاراي قايتا قارالدى. 2020 جىلعى جەلتوقساندا جىلدىق ينفلياتسييا قايتا كارانتين شارالارى اياسىندا ٸشكٸ سۇرانىستىڭ نەعۇرلىم ايقىن دەزينفلياتسييالىق ەسەرٸنە بايلانىستى 7,3–7,5% اۋقىمىندا كٷتٸلەدٸ. دەگەنمەن, ينفلياتسييانىڭ ورتا مەرزٸمدٸ بولجامدارى ايتارلىقتاي ٶزگەرٸستەرگە ۇشىراعان جوق – 4-6% نىسانالى دەلٸزٸنٸڭ جوعارعى شەگٸنە قاراي بٸرتٸندەپ باياۋلاۋ 2021 جىلدىڭ سوڭىنا قاراي عانا بولادى.
«قازاقستان ەكونوميكاسى 2020 جىلعى 11 ايدىڭ قورىتىندىسى بويىنشا جىلدىق كٶرسەتكٸشتە 2,8%-عا قىسقاردى – ەكونوميكالىق بەلسەندٸلٸكتٸڭ تٶمەندەۋٸ كٷتٸلگەننەن اناعۇرلىم تەرەڭ بولىپ شىقتى.
اقشا نارىعىنداعى تۇراقتى جاعداي بازالىق مٶلشەرلەمەنٸڭ دەلٸزٸن ەپيدەمييا الدىنداعى دەڭگەيگە دەيٸن تارىلتۋعا مٷمكٸندٸك بەردٸ.
«ۇلتتىق بانك ينفلياتسييا سەرپٸنٸنە ەسەر ەتەتٸن ٸشكٸ جەنە سىرتقى فاكتورلارعا مونيتورينگ جٷرگٸزۋدٸ جالعاستىرادى. بازالىق مٶلشەرلەمە بويىنشا بۇدان كەيٸنگٸ شەشٸمدەر ينفلياتسييانىڭ ناقتى سەرپٸنٸنٸڭ ونىڭ نىسانالى باعدارلارىنا سەيكەستٸگٸ, ينفلياتسييالىق كٷتۋلەردٸڭ تٶمەندەۋ جىلدامدىعى, سۇرانىستىڭ قالپىنا كەلۋٸ, سونداي-اق ينفلياتسييالىق تەۋەكەلدەر تەڭگەرٸمٸ ەسكەرٸلە وتىرىپ قابىلداناتىن بولادى», – دەلٸنگەن حابارلامادا.
