QR Ulttyq Banki bazalyq mólsherlemeni jáne paiyzdyq dálizdi +/- 1 p.t. jyldyq 9,25% deńgeiinde saqtaý týraly sheshim qabyldady, dep habarlaidy "Ult aqparat".
«Infliatsiia 4-6% nysanaly dáliz sheginde saqtalady. 2020 jylǵy qańtarda jyldyq infliatsiia 5,6% boldy. Azyq-túlik taýarlar - 9,2%-ǵa, azyq-túlikke jatpaityn taýarlar – 5,2%-ǵa, aqyly qyzmetter – 1,4%-ǵa qymbattady», - dedi Ulttyq banktiń baspasóz qyzmeti.
Tutynýshylyq jáne investitsiialyq suranys ekonomikalyq belsendilikti arttyrýǵa yqpal etedi. Halyqtyń naqty aqshalai kirisiniń ósýi 2019 jylǵy qańtar – qarashada 5,8% boldy. Áleýmettik qoldaýǵa arnalǵan biýdjet shyǵystary 2019 jyly 26,0%-ǵa ulǵaidy.
Tutynýshylyq kreditteý 2019 jyly 26,9%-ǵa ósti. 2019 jyly investitsiianyń keńeiýi 8,5% boldy.
2019 jyldyń qorytyndysy boiynsha qysqa merzimdi ekonomikalyq indikator 5,0%-ǵa ósti.
Álemdik naryqta 2020 jylǵy qańtarda munaidyń ortasha baǵasy bir barrel úshin 63,7 AQSh dollary boldy, azyq-túlik baǵasynyń FAO indeksi 2019 jylǵy jeltoqsanda 2,5%-ǵa ósti.
Reseidegi jyldyq infliatsiia - 3%, EO elderinde – 1,6% boldy, bul importtalatyn taýarlar baǵasynyń ósýin shekteidi.
Proinfliatsiialyq táýekelder benzindi satýǵa aktsizderdiń joǵarylaý jáne retteletin qyzmetterdiń qymbattaý áserinen qysqa merzimdi keleshekte baiqalatyn bolady.
Aǵymdaǵy jyldyń sońyna deiin jáne orta merzimdi bolashaqta infliatsiialyq protsester birtindep álsirei bastaidy jáne jyldyq infliatsiia nysanaly dálizdiń orta deńgeii 4-6%-ke jáne 2020 jyldyń sońyna deiin odan da tómen deńgeige deiin baiaýlaidy.
Bazalyq mólsherleme boiynsha kezekti sheshim 2020 jylǵy 16 naýryzda Nur-Sultan qalasynyń ýaqytymen saǵat 15:00-de jariialanady.
Eske salsaq, ótken jyly jeltoqsan aiynda QR Ulttyq banki bazalyq mólsherlemeni jyldyq 9,25% deńgeide saqtaý týraly sheshim qabyldaǵan bolatyn.
