Mólsherlemeni kóterýdegi basty sebep - infliatsiianyń ósýine jol bermeý. Bul týraly QR Ulttyq banki tóraǵasynyń orynbasary Aqyljan Baimaǵambetov QazAqparat tilshisine bergen ekskliýzivti suhbatynda málim etti.
«Ulttyq banktiń negizgi mindeti – eldegi baǵa turaqtylyǵyn saqtaý jáne bizdiń basty quralymyz – bazalyq mólsherleme. Ony kóterý – maýsym aiynda 7,9% rekordtyq kórsetkishke jetken qazirgi infliatsiianyń qarqyn alýyna orai qabyldanǵan qisyndy jaýap boldy der edim jáne infliatsiiany 2022 jyly 4-6%-dyq maqsatty diapazonǵa deiin tómendetý qajettiligi boldy», - dedi A. Baimaǵambetov suhbat bere otyryp.
Onyń aitýynsha, infliatsiianyń ósýi - jergilikti qubylys emes jáne sońǵy ailarda asa joǵary infliatsiianyń yqpaly búkil álem boiynsha sezildi.
«Qazaqstandaǵy infliatsiianyń ósýi ýaqytsha, sondai-aq ornyqty ishki jáne syrtqy faktorlardyń teris yqpalynan týyndady. Osy jaǵdaida Ulttyq bank infliatsiialyq qysymdy tómendetý úshin bazalyq mólsherlemeni kóterdi. Aqsha-kredit saiasaty salasynda sheshim qabyldaý kezinde infliatsiianyń qalyptasý perspektivalaryn basshylyqqa alatynymyzdy jáne onyń 2022 jyly maqsatty dálizge oralýyn kútetinimizdi aitqym keledi», - deidi ol.
Aita keteiik, suhbattyń tolyq nusqasyn tómendegi videodan tamashalaýǵa bolady.
