Qazaqstan Respýblikasynyń Ulttyq banki bazalyq mólsherlemeni 9,25 paiyzǵa deiin kóterý týraly sheshim qabyldady, dep habarlaidy "Ult aqparat".
Ulttyq bank málimetinshe, naqty infliatsiia kútilgen deńgeiden joǵary bolyp qalyptasyp otyr jáne tamyz aiynyń qorytyndysynda 5,5 paiyzǵa jetti. Tutynýshylyq suranystyń keńeiýinen týyndaǵan proinfliatsiialyq qysym aldyńǵy boljammen salystyrǵanda ulǵaidy. Bul infliatsiiany 2019 jyldyń sońyna qarai 5,7-5,8 paiyzdyq deńgeiindegi nysanaly dálizdiń joǵarǵy shegine itermeleidi.
«Ortasha merzimdi boljamdy bolashaqta 2020 jyly infliatsiia azdap baiaýlai otyryp, nysanaly 4-6 paiyz dálizdiń ishinde bolady dep kútiledi. 2019 jylǵy 7 aida ekonomikanyń ósýi Ulttyq banktiń boljamynan joǵary 4,2 paiyz deńgeiinde qalyptasty. Bul ekonomikada proinfliatsiialyq qysymdy týyndatady», - delingen taratylǵan málimette.
Osyǵan orai Ulttyq bank infliatsiia boiynsha málimdelgen baǵdarǵa jetý maqsatynda bazalyq mólsherleme jónindegi budan keiingi sheshimderdi nysanaly dálizge qatysty qalyptasyp otyrǵan jáne boljanyp otyrǵan infliatsiia serpininiń sáikes kelýin, ishki suranys tarapynan táýekelderdiń iske asyrylýyn, import ósimi men álemdik ekonomikadaǵy jaǵdaidy esepke ala otyryp qabyldamaq.
