قازاقستان رەسپۋبليكاسىنىڭ ۇلتتىق بانكٸ بازالىق مٶلشەرلەمەنٸ 9,25 پايىزعا دەيٸن كٶتەرۋ تۋرالى شەشٸم قابىلدادى, دەپ حابارلايدى "ۇلت اقپارات".
ۇلتتىق بانك مەلٸمەتٸنشە, ناقتى ينفلياتسييا كٷتٸلگەن دەڭگەيدەن جوعارى بولىپ قالىپتاسىپ وتىر جەنە تامىز ايىنىڭ قورىتىندىسىندا 5,5 پايىزعا جەتتٸ. تۇتىنۋشىلىق سۇرانىستىڭ كەڭەيۋٸنەن تۋىنداعان پروينفلياتسييالىق قىسىم الدىڭعى بولجاممەن سالىستىرعاندا ۇلعايدى. بۇل ينفلياتسييانى 2019 جىلدىڭ سوڭىنا قاراي 5,7-5,8 پايىزدىق دەڭگەيٸندەگٸ نىسانالى دەلٸزدٸڭ جوعارعى شەگٸنە يتەرمەلەيدٸ.
«ورتاشا مەرزٸمدٸ بولجامدى بولاشاقتا 2020 جىلى ينفلياتسييا ازداپ باياۋلاي وتىرىپ, نىسانالى 4-6 پايىز دەلٸزدٸڭ ٸشٸندە بولادى دەپ كٷتٸلەدٸ. 2019 جىلعى 7 ايدا ەكونوميكانىڭ ٶسۋٸ ۇلتتىق بانكتٸڭ بولجامىنان جوعارى 4,2 پايىز دەڭگەيٸندە قالىپتاستى. بۇل ەكونوميكادا پروينفلياتسييالىق قىسىمدى تۋىنداتادى», - دەلٸنگەن تاراتىلعان مەلٸمەتتە.
وسىعان وراي ۇلتتىق بانك ينفلياتسييا بويىنشا مەلٸمدەلگەن باعدارعا جەتۋ ماقساتىندا بازالىق مٶلشەرلەمە جٶنٸندەگٸ بۇدان كەيٸنگٸ شەشٸمدەردٸ نىسانالى دەلٸزگە قاتىستى قالىپتاسىپ وتىرعان جەنە بولجانىپ وتىرعان ينفلياتسييا سەرپٸنٸنٸڭ سەيكەس كەلۋٸن, ٸشكٸ سۇرانىس تاراپىنان تەۋەكەلدەردٸڭ ٸسكە اسىرىلۋىن, يمپورت ٶسٸمٸ مەن ەلەمدٸك ەكونوميكاداعى جاعدايدى ەسەپكە الا وتىرىپ قابىلداماق.
