Foto: ashyq derekkóz
Qazaqstan Ulttyq bankiniń Aqsha-nesie saiasaty jónindegi komiteti bazalyq mólsherlemeni 18% deńgeiinde, ±1 paiyzdyq tarmaq dálizimen saqtaý týraly sheshim qabyldady. Bul týraly Qazaqstan Ulttyq banki baspasóz qyzmeti málim etti, dep habarlaidy Ult.kz.
Vedomstvo dereginshe, 2025 jyldyń qorytyndysy boiynsha infliatsiia 12,3% boldy (boljam – 12–13%). Infliatsiiaǵa eń úlken úlesti azyq-túlik baǵasynyń ósýi qosty – 13,5%. Ásirese et pen sary mai baǵasynyń qymbattaýy óndiris shyǵyndarynyń artýymen jáne eksport kóleminiń joǵary bolýymen túsindirildi. Azyq-túlikke jatpaityn taýarlar infliatsiiasy 11,1%, aqyly qyzmetter baǵasynyń ósimi 12% deńgeiinde qalyptasty.
Ulttyq banktiń málimdeýinshe, infliatsiia áli de ishki suranystyń usynys múmkindikterinen joǵary bolý jaǵdaiynda qalyptasýda. Tariftik reforma men janar-jaǵarmai naryǵyn yryqtandyrýdyń janama áserleri baǵa men infliatsiialyq kútýlerge yqpal etýdi jalǵastyryp otyr. Halyqtyń bir jyl alǵa infliatsiialyq kútýleri 14,7%-ǵa deiin ósken, al naryqtyń kásibi qatysýshylarynyń 2026 jylǵa boljamy 10,8%-ǵa jetken.
