فوتو: اشىق دەرەككٶز
قازاقستان ۇلتتىق بانكٸنٸڭ اقشا-نەسيە ساياساتى جٶنٸندەگٸ كوميتەتٸ بازالىق مٶلشەرلەمەنٸ 18% دەڭگەيٸندە, ±1 پايىزدىق تارماق دەلٸزٸمەن ساقتاۋ تۋرالى شەشٸم قابىلدادى. بۇل تۋرالى قازاقستان ۇلتتىق بانكٸ باسپاسٶز قىزمەتٸ مەلٸم ەتتٸ, دەپ حابارلايدى Ult.kz.
ۆەدومستۆو دەرەگٸنشە, 2025 جىلدىڭ قورىتىندىسى بويىنشا ينفلياتسييا 12,3% بولدى (بولجام – 12–13%). ينفلياتسيياعا ەڭ ٷلكەن ٷلەستٸ ازىق-تٷلٸك باعاسىنىڭ ٶسۋٸ قوستى – 13,5%. ەسٸرەسە ەت پەن سارى ماي باعاسىنىڭ قىمباتتاۋى ٶندٸرٸس شىعىندارىنىڭ ارتۋىمەن جەنە ەكسپورت كٶلەمٸنٸڭ جوعارى بولۋىمەن تٷسٸندٸرٸلدٸ. ازىق-تٷلٸككە جاتپايتىن تاۋارلار ينفلياتسيياسى 11,1%, اقىلى قىزمەتتەر باعاسىنىڭ ٶسٸمٸ 12% دەڭگەيٸندە قالىپتاستى.
ۇلتتىق بانكتٸڭ مەلٸمدەۋٸنشە, ينفلياتسييا ەلٸ دە ٸشكٸ سۇرانىستىڭ ۇسىنىس مٷمكٸندٸكتەرٸنەن جوعارى بولۋ جاعدايىندا قالىپتاسۋدا. تاريفتٸك رەفورما مەن جانار-جاعارماي نارىعىن ىرىقتاندىرۋدىڭ جاناما ەسەرلەرٸ باعا مەن ينفلياتسييالىق كٷتۋلەرگە ىقپال ەتۋدٸ جالعاستىرىپ وتىر. حالىقتىڭ بٸر جىل العا ينفلياتسييالىق كٷتۋلەرٸ 14,7%-عا دەيٸن ٶسكەن, ال نارىقتىڭ كەسٸبي قاتىسۋشىلارىنىڭ 2026 جىلعا بولجامى 10,8%-عا جەتكەن.
