Ulttyq banktiń boljamy boiynsha infliatsiia 2022 jyldyń ekinshi jartysynda 4-6% nysanaly dálizge oralady. Bul týraly Ulttyq bank Tóraǵasy Erbolat Dosaev málimdedi, dep habarlaidy QazAqparat.
Ulttyq bank tóraǵasynyń aitýynsha, elimizde bazalyq mólsherleme ótken jyldyń shilde aiynan bastap 12 ai ishinde 9% deńgeiinde saqtalǵan.
«Biylǵy maýsym aiynda azyq-túlik baǵasynyń 10,6%-ǵa ósýine jáne birinshi kezekte kókónis ónimderi baǵasynyń aitarlyqtai ósýine bailanysty infliatsiia 7,9%-ǵa deiin jedeldedi. Nátijesinde azyq-túlik naryǵyndaǵy teńgerimsizdik maýsym aiynda tarihi maksimýmǵa deiin kóterilgen infliatsiialyq boljam yqtimaldyǵy turaqty baiqaldy. Sonymen qatar, 87 respondent azyq-túlik baǵasynyń óskenin belgiledi. Osyǵan bailanysty baǵanyń kúrt ósýi aiasynda Úkimet, Ulttyq bank jáne jergilikti atqarýshy organdar úshin osy jyldyń ekinshi jartysynda azyq-túlik infliatsiiasyn tejeý basty basymdyq bolyp tabylady», - dep baiandady Erbolat Dosaev.
Sondai-aq, ol iskerlik belsendilik pen tutynýshylyq suranystyń qalpyna kelýi jaǵdaiynda infliatsiianyń azyq-túlik emes jáne servistik komponentterin jedeldetý qaita bastalǵanyn, olar ótken jyly karantindik shekteýlerge bailanysty tejelgenin atap ótti.
«Birinshi jartyjyldyqtyń qorytyndysy boiynsha baǵanyń ósýi jedeldeýin eskere otyryp, Ulttyq bank 2021 jyldyń qorytyndysy boiynsha infliatsiia belgilengen targetten asyp, 2022 jyldyń ekinshi jartysynda 4-6% nysanaly dálizge oralady dep kútedi», - dedi Ulttyq Bank jetekshisi.
