Qarasha aiynda azyq-túliktiń qymbattaýy tejelip, janarmai men otyn baǵasy órshi túsken. Ulttyq banktiń bazalyq mólsherleme týraly bergen túsiniktemesinde osyndai málimet aitylǵan, dep habarlaidy QazAqparat.
«Qazaqstandaǵy jyldyq infliatsiia azdap baiaýlap, qazan aiyndaǵy 8,9%-ben salystyrǵanda 8,7% boldy. Bul serpin azyq-túlik baǵasy ósiminiń 11,3%-dan 10,9%-ǵa deiin jáne aqyly qyzmetterde 6,9%-dan 6,4%-ǵa deiin baiaýlaýyna bailanysty boldy. Bul rette qarashada nan-toqash ónimderi men jarma, et ónimderi baǵasynyń ósýi jalǵasty. Oǵan óndirýshiler shyǵyndarynyń ulǵaiý túrtki boldy», - dep jazylǵan Ulttyq bank málimetinde.
Banktyń taldaýyna súiensek, azyq-túlikke jatpaityn taýarlardyń baǵasy qymbattai túsken.
«Qarashada janar-jaǵar mai, qatty otyn baǵasy ósýiniń jalǵasýy saldarynan azyq-túlikke jatpaityn taýarlardyń jyldyq infliatsiiasy 7,8%-dan 8,3%-ǵa deiin jedeldedi. Janar-jaǵar maidyń tutyný baǵasyn jyldyq ólshemde 22,3% boldy. Benzin quny 18,4%-ǵa, dizel baǵasy 46,6%-ǵa ósti. Otynnyń qymbattaýy óndirýshiler baǵasynyń ósýi jaǵdaiynda oryn alyp otyr», - dep topshylaidy Ulttyq bank mamandary.
Ulttyq bank deregi boiynsha, aqyly qyzmetter baǵasynyń jyldyq ósý qarqyny sál baiaýlap, jyldyq mólsherde 6,4% bolǵan. Iaǵni, kommýnaldyq qyzmetter, tamaqtaný oryndary men shashtarazdardyń qyzmetterine degen suranys sál azaiǵan. Al turǵyn úidi jalǵa alý tarifteriniń ósýi jedeldei túsken.
Aita keteiik, Ulttyq bank bazalyq mólsherlemeni 9,75% deńgeiinde ózgerissiz qaldyrǵanyn málimdedi.
