«قازاقستانداعى جىلدىق ينفلياتسييا ازداپ باياۋلاپ, قازان ايىنداعى 8,9%-بەن سالىستىرعاندا 8,7% بولدى. بۇل سەرپٸن ازىق-تٷلٸك باعاسى ٶسٸمٸنٸڭ 11,3%-دان 10,9%-عا دەيٸن جەنە اقىلى قىزمەتتەردە 6,9%-دان 6,4%-عا دەيٸن باياۋلاۋىنا بايلانىستى بولدى. بۇل رەتتە قاراشادا نان-توقاش ٶنٸمدەرٸ مەن جارما, ەت ٶنٸمدەرٸ باعاسىنىڭ ٶسۋٸ جالعاستى. وعان ٶندٸرۋشٸلەر شىعىندارىنىڭ ۇلعايۋ تٷرتكٸ بولدى», - دەپ جازىلعان ۇلتتىق بانك مەلٸمەتٸندە.

بانكتىڭ تالداۋىنا سٷيەنسەك, ازىق-تٷلٸككە جاتپايتىن تاۋارلاردىڭ باعاسى قىمباتتاي تٷسكەن.

«قاراشادا جانار-جاعار ماي, قاتتى وتىن باعاسى ٶسۋٸنٸڭ جالعاسۋى سالدارىنان ازىق-تٷلٸككە جاتپايتىن تاۋارلاردىڭ جىلدىق ينفلياتسيياسى 7,8%-دان 8,3%-عا دەيٸن جەدەلدەدٸ. جانار-جاعار مايدىڭ تۇتىنۋ باعاسىن جىلدىق ٶلشەمدە 22,3% بولدى. بەنزين قۇنى 18,4%-عا, ديزەل باعاسى 46,6%-عا ٶستٸ. وتىننىڭ قىمباتتاۋى ٶندٸرۋشٸلەر باعاسىنىڭ ٶسۋٸ جاعدايىندا ورىن الىپ وتىر», - دەپ توپشىلايدى ۇلتتىق بانك ماماندارى.

ۇلتتىق بانك دەرەگٸ بويىنشا, اقىلى قىزمەتتەر باعاسىنىڭ جىلدىق ٶسۋ قارقىنى سەل باياۋلاپ, جىلدىق مٶلشەردە 6,4% بولعان. ياعني, كوممۋنالدىق قىزمەتتەر, تاماقتانۋ ورىندارى مەن شاشتارازداردىڭ قىزمەتتەرٸنە دەگەن سۇرانىس سەل ازايعان. ال تۇرعىن ٷيدٸ جالعا الۋ تاريفتەرٸنٸڭ ٶسۋٸ جەدەلدەي تٷسكەن.

ايتا كەتەيٸك, ۇلتتىق بانك بازالىق مٶلشەرلەمەنٸ 9,75% دەڭگەيٸندە ٶزگەرٸسسٸز قالدىرعانىن مەلٸمدەدٸ.