QR Ulttyq bankiniń qolma qol aqsha ainalymy departamentiniń direktory Jomart Qajmuratov qolma-qol aqshadan virýs juǵý yqtimaldyǵy týraly aitty, dep habarlaidy "Ult aqparat".
COVID-19 virýsynyń aqsha betinde ómir súrý ýaqytyna qatysty birneshe zertteý bar. Bir málimetterge sensek, virýs ústińgi betterde 28 kún ómir súredi.
Eýropa ortalyq bankiniń málimetine sensek, COVID-19 virýsy banknota betterinde birneshe saǵat qana turady.
«Bizdiń oiymyzsha, virýstyń qansha ómir súretini týraly naqty málimetter áli belgisiz. Ulttyq bank banknotalardy ainalymǵa jibermes buryn 14 kún bank qaptamasynda saqtaidy. Tek sodan keiin ǵana aqshany sorttap, esepteýge kóshedi. Banknotadaǵy virýstyń qansha ómir súretini týraly naqty zertteý qorytyndysy joq bolǵandyqtan profilaktikalyq maqsatta aqsha 45 kúnge deiin saqtalady», - dedi Jomart Qajmuratov.
Sondyqtan, COVID-19 virýsynyń aqshanyń betinen adamdarǵa juǵý yqtimaldyǵy óte tómen.
QR Ulttyq bankiniń talabyna sáikes, bankomattar men kassalyq tehnikany zararsyzdandyrýmen ekinshi deńgeili bankter men «Kazposhta» AQ, inkassatorlyq uiymdar ainalysady.
