QR Ulttyq banki 2020 jylǵy 25 jeltoqsan – 2021 jylǵy 4 qańtar aralyǵynda jekelegen damýshy elderdiń valiýtalary boiynsha sholý jasady, dep habarlaidy "Ult aqparat".
Saýda-sattyqtyń qorytyndysy boiynsha 31 jeltoqsanda teńgeniń naryqtyq baǵamy bir aptada 0,3%-ǵa (419,50-den) álsirep, bir AQSh dollary úshin 420,91 teńge boldy.
Syrtqy valiýta naryǵynda 2020 jyldyń 25 jeltoqsany men 2021 jyldyń 4 qańtar aralyǵyndaǵy kezeńde damýshy elder valiýtalarynyń serpini ártúrli baǵytta boldy.
Donald Tramp $900 mlrd yntalandyrý qamtylǵan zań jobasyna qol qoidy. Vaktsinalar týraly habarlamalar da investorlardyń optimizmin qoldady: QHR-da retteýshi otandyq vaktsinany qoldanýdy maquldady, Ulybritaniia Covid-19-ǵa qarsy ekinshi vaktsinany qoldanýǵa ruqsat berdi. EO men QHR Eýropalyq investorlar úshin budan ári Qytai naryǵyn ashý týraly kelisimdi maquldaǵany týraly jariialady. Kelisim 2022 jyldyń basynda kúshine enýi múmkin. Ulybritaniia pandemiiaǵa bailanysty úshinshi ulttyq karantindi engizdi.
Damýshy elder valiýtalarynyń AQSh dollaryna qatysty baǵamdarynyń serpini tómendegidei qalyptasty:
- Indoneziia rýpiiasy 2021 jyly ekonomikanyń neǵurlym jyldam ósýi (jeltoqsan aiynda PMI óndiristik indeksiniń ósýi kútkennen de asyp, 51,3 belgisine jetti), sondai-aq boryshtyq naryqqa sheteldik kapitaldyń kelýin kútý boiynsha optimizm aiasynda 2,1%-ǵa (14 200-den 13 895-ke deiin) nyǵaidy;
- túrik lirasy Ulybritaniiamen erkin saýda týraly kelisimdi uzartý jáne jergilikti naryqqa sheteldik investorlardyń kelýin jańǵyrtý aiasynda 1,6%-ǵa (7,55-ten 7,43-ke deiin) nyǵaidy;
- úndi rýpiiasy beirezidentterdiń jergilikti kompaniialardyń aktsiialaryn satyp alýy aiasynda 0,7%-ge (73,55-ten 73,02-ge deiin) nyǵaidy;
- Resei rýbli OPEK+ kezdesýleriniń qorytyndylaryna qatysty belgisizdik saldarynan munai baǵasynyń tómendeýi aiasynda 0,4%-ǵa (74,11-den 74,42-ge deiin) álsiredi;
- Meksika pesosy jyl sońynda ótimdiliktiń tómen bolýy aiasynda 0,6%-ǵa (19,86-dan 19,97-ge deiin) álsiredi;
- Ońtústik Afrika randy eldegi epidemiologiialyq jaǵdaidyń nasharlaýyna orai neǵurlym qatań karantindik sharalarǵa bailanysty qaýiptený aiasynda 0,8%-ǵa (14,61-den 14,73-ke deiin) álsiredi;
- Braziliia realy OB-nyń spot naryǵynda $530 mln kóleminde interventsiialar júrgizýine qaramastan, 1%-ǵa (5,22-den 5,27-ge deiin) álsiredi.
