Qazaqstan Ulttyq banki qarajat jiberý týraly ótinishi bar elektrondyq hattar men anonimdi telefon qońyraýlaryn elemeýge shaqyrady, dep habarlaidy "Ult aqparat".
«Belgisiz banktik shottardyń derektemeleri qamtylǵan, kezdeisoq aqsha alý múmkindikteri týraly habarlamalar kóp jaǵdaida olardyń alaiaqtyq áreket ekendigin kórsetedi. Shyn máninde mundai hattar Ulttyq Bankten jeke tulǵalarǵa taratylmaidy.Ortalyq bankter jeke tulǵalardyń shotyna qyzmet kórsetpeidi, aqshalai esep aiyrysýlar men mámileler júrgizbeidi: Ulttyq Banktegi banktik shottar tek QUB, ekinshi deńgeidegi bankter men sany shekteýli zańdy tulǵalardyń operatsiiasyn esepke alý úshin ǵana ashylýy múmkin. Osyǵan orai Qazaqstan Ulttyq Bankiniń jeke tulǵalardyń qundy zattary men banknot, monetalaryna qatysty inkassatsiialyq (sonyń ishinde jetkizý, tasymaldaý) qyzmetti atqarmaitynyn eskertemiz»,– dep habarlady Ulttyq bank.
Qazaqstan Ulttyq Bankinen qarajat jiberý týraly ótinishi bar kúdikti hattardy alǵan jaǵdaida quqyq qorǵaý organdaryna habarlasý qajet.
Keńes alý úshin 1477 qysqa nómiri boiynsha Ulttyq Banktiń bailanys ortalyǵyna da habarlasýǵa bolady.
